(( كنت بين العرب كالذيب له في مراقيبه قنيب = واصبح اليوم ذاك الذيب ملحوق خير وعافيه))

[align=center]السلام عليكم ورحمة الله وبركاته
هذه القصيدة كتبتها على لسان شيخ قبيلة كبر في سنه واصبح اسير المرض فنسأل الله لنا وله حسن الخاتمة[/align]

[poem=font="Simplified Arabic,6,#000000,normal,normal" bkcolor="" bkimage="" border="double,4,#400000" type=1 line=0 align=center use=ex num="0,#400000"]
عللتي يا خطرها حار فيها المداوي والطبيب = عقب ذاك النشاط أصيح يا ناس وين العافيه
انحنى الظهر والشوف اقترب واعترى الشعر المشيب = والقدم حار والجنبين عن مرقدي متجافيه
كان فينا من الصحة وطول الأمل شي عجيب = احسب انه معي تبقى وهي في الحقيقة جافيه
كنت أقود الصفوف واقدح العلم من راس صليب = واتعزوى بقوم يعرفون السلوم الوافيه
كنت بين العرب كالذيب له في مراقيبه قنيب = واصبح اليوم ذاك الذيب ملحوق خير وعافيه
بعد ما مات ريعي صرت بين البشر كني غريب = والونس غاب وجروح الزمن في الخلد متكافيه
احسب الوقت والتفكير ياقف على أمس القريب = دام هذي السنين الماضية كيف عاد اللافيه ؟!!
قالها اللي يشوف إن شمس عمره تدانت للمغيب = والمرض في جنوبه حل والحزن بيح خافيه
وعللتي يا خطرها حار فيها المداوي والطبيب = عقب ذاك النشاط اصيح يا ناس وين العافيه
[/poem] [align=center]محمد بن نغموش القحطاني[/align]

يامااال العااافية


لافض فوووك..

يامااال العااافية


لافض فوووك..

شرفني مرورك يا غالي