أماني ياربي أمان

[align=center]بعد إنقطاع طويل، وحنين أطوَل للتواجد في هذا المتصفح الجميل
أطرح بين يديكم هذه المشاركه المتواضعة آملا أن تنال على رضاكم واستحسانكم
وستكون إمتداد لتواصل قادم عبر هذا الصرح الذي أحبه كثيراً
وتقبلوا تحياتي [/align]

[poem=font="Arial,4,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
قال: لا يغرّك جمال الشكــل .. أو سحر العيون = الجمال الصــحّ .. أخلاق.. وذرابــه.. واتـّزان
قلت: هـذي جُـمله اكثر مــن يردّدها الشــيون = وانت أخلاقـك جنـان وشكلك اكثـــر مــن جنان
قال: اجــل تتوقع انـّي دايم "الأحلى" بكــون؟ =قلت: اكيد بعيني انت "الاحلى" في كل الزمان
قال: اذا شيّبت بكره وصار لوني .. غير لون = قلت: صدقـّـني لو انــّك شيب.. عمرك مايبـان
قال: لا .. مسّـختها ..والعــاده انتـم تكــــذبون = قلت: من تقصد بإنتم؟ محـَد غيري بها المكان
قال: أقصد كـل شاعــر فيه مــسّ مـن الجنون = قلت: بسم الله علي انسان ماني حـول جـــان
قال: بطــّل.. قلت: أبطـل إيش؟؟ يا أحلى حنون = قال: بطّـــل تاكل بعقلي حــلاوه بذا اللســـان
قلت: لا والله أقول الصدق واحسن بي الظنون = بس انا محتــاج وقـت .. ْفعطني من وقتك ثوان
إجتمعنــا ذات مرّه .. للدراســـه فــي شئـــون = الحـلاوه .. والنعومــه.. والذرابـــه.. والحنان
وبعد تفكير ومشـــورة كـل من هــم يبخصون =وبعد عـــدّة إجتماعـات.. ونقاشــات.. ولجـان
وبعد حكْيي عنْك وانت الحكيَ عنــّك ذو شجون = تمّ إصـــدار البيــان التـــالي .. فاسمع للبيــان
إنت أسبــاب البطــاله.. والجريمه.. والديــون = وكثرة اعــداد العوانس في بلدْنا .. والهـــوان
وانتشار الخمر.. والســـمّ المخدر.. والمجون = وانهيار السوق .. والإرهـاب .. والله المستـعـان
إنت لولاك إنت ماكـــان امتلـَت كـــل السجون = دامك اسبـاب المشاكــل وامتحـانك إمتحــــان
الخلايق طايحين فبعضهم ذبــح وطعـون =وكل من كانوا اخوان .. الحيـن ما عدْهم اخوان
يامفـــرّق في علاقـات الأهـــالي والبنـــون =كل هذا إنت تدري ليـه صــار ؟؟ ومن عشان؟؟
صار باسبابك عشانك موت وفتـــونك فتـون = تقدّر تســوّي بقلوب الناس حفـــل ومهرجان
شوف لامن جيت تمشي في شوارعهم بهون = خلق تتحـاذف عليك مـــن الحلى والهيــلمان
واجهـــزة أمـــن البلد مستنفــــره بالمكرفون = "أخلوا الشارع عشــان يمـــرّ عـود الخيزران"
وانــت مــا ترتـــاح إلاّ .. لا لبســـت البنطـــلون = لجـل تسمـع عـن طلاق فلانـه ومقـــتل فـلان
يا امبراطــور الحِـسان البيـض كان الله بعون = كل من عـاش بزمانك يا امبراطـور الحِــسان
الحـلى لو كـــان جنسيّــه .. فخلــق الله بـدون = وانت وحدك تحمـل الجنسيّه.. وخِـذْها ضمان
لو تروح لـتركيا أرض الطبيعــه والزيون = صاحوا من شوفــة حلاك "أمان ياربي أمان"[/poem]

[align=center]وسلامتكم،،[/align]

الشاعر / محمد الشهري

مرحبابك ومسهلا بعد طول الغياب

نسعد بتواصلك معنا

وخصوصآ محمد كثير ماكنا نتسائل عن أنقطاعك من النداوي

محمد والله العظيم أني من أشد المتابعين لكل ماهو جديد لك

تشرفت كوني أول من صافح هذه الرائعه

صح لسااااانك مدد بلادد

محمد والله ماودنا أنك تغيب أنت واللي مثلك وشرواك وسلامتك وعافك

تقبل مروري المتواضع

صح لسانك



يا محمد



نص فاخر ... وشاعر مبدع ولاشك





تقبل خالص تحياتي

واجـهـزة أمـــن الـبـلـد مستـنـفـره بالمـكـرفـون
"أخلوا الشارع عشـان يمـرّ عـود الخيـزران"

صح لسانك وهلا بعودتك الميمونه بإذن الله ..النداوي صرح مثالي للمبدعين ..يغيبون عنه لكن ارواحهم تبقى عالقة هنا لذلك يعودون من جديد بحب اكثر ووفاء اجمل ...

تحياتي ،،

الله الله الله يا محمد


ياخي وش ذا القصيده المفعمه بالجمال والابداع !!


نص اقدر اسميه مسرحي

لأنه عيشنا اجواء واحداث واجتماع وامن



صح الله لسانك


وهالقصيده الشامخه بشموخك تعذرك عندنا بالتاكيد



اهلا بك وبعودتك



احترامي لك

[poem=font="Arial,4,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
وانــت مــا ترتـــاح إلاّ .. لا لبســـت البنطـــلون = لجـل تسمـع عـن طلاق فلانـه ومقـــتل فـلان
"[/poem]
ياراسي
ارحب يامحمد
شاعر رائع تابعناك على النداوي
وسعدنا بتواصلك الذي هو تواصل للإبداع
وهذه القصيدة التي جائت مثل المسرحية
احداث رتبها فكر شاعر مميز
سلمت ودمت يامحمد

هلا وغلا يابو عمر وصح الله لسانك على الابيات العذبه والوصف الرائع

سلمت ولاهنت ولاتبطى علينا


حضرت للسلام ومتابعة الابداع



مودتي وتقديري

اخوك

فاااااااااااالح

الشاعر / محمد الشهري


لااخفيك بأن هذه أول قصيده أطلع عليها لك


والتقصير والله مني أنا

لكن من اليوم سجلني أحد جماهيرك ومتابعيك


شاعر كبير نفخر بتواجده ومتابعته

فائق احترامي

صح لسانك



يا محمد



نص فاخر ... وشاعر مبدع ولاشك





تقبل خالص تحياتي

حمد آل جميله

صح بدنك ياغالي

مصافحتك ومتابعتك شرف لي ياطويل العمر ولاهنت


تقبل تحياتي

للمبدعين حضورهم

وانت احدهم يامحمد

اعجابي القدديم

يتجدد

صح السانك ولاهنت

واجـهـزة أمـــن الـبـلـد مستـنـفـره بالمـكـرفـون

"أخلوا الشارع عشـان يمـرّ عـود الخيـزران"

وانــت مــا تـرتــاح إلاّ .. لا لـبـسـت البنـطـلـون

لجـل تسمـع عــن طــلاق فـلانـه ومقـتـل فــلان

،،

،




محمد الشهـري

أفكـارك مدهشه وسلاستك بالكتابـه
تجبرنـا على السكوت والقراءه بصمت
لهذا الأبـداع الغير مستغرب من شاعر
أطربنـا وأمتعنا كثيـرا ً

،،

،




صـح لسانـك ألف
يامحمد

صح السانك شاعرنا محمد

كما عهدناك مبدع

تقديري