عــــــروس فـــبرايـــر

إليكم هذه القصيدة إحدى قصائد الشاعر بدوي عن دولة الكويت الشقيقة ..

وهي بعنوان " عروس فبراير " ..
.
.
.
.
اثره بعذر الكويت اتزوم مغروره @@@ عذرىً تباهى على الغيد ابخلاخلها


يا فلوة الشعر لا منتي ابمعذوره @@@ يا سابقي للمهور الشرد صاملها


يوم النسايم بندّ الفل مسحوره @@@ باستفرد بكل خصلة من جدايلها

شطٍ فتن موجةٍ ساحت على صخوره @@@ صوت الهبايب تحرّش في سواحلها


من قدّها والحسن يختال عصفوره @@@ وإن مرّ باقصى المنازل حنّ لأولها


لعيونها تصفق الوجدان مسروره @@@ زهرة غرامٍ معي شلت شلايلها

لأغلى الرسايل وذاك البيت والصوره @@@ والضحكة اللي يزيد العمر صاهلها


غندورةٍ تستثير احساس غندوره @@@ كانّها تشيل الحسن والحسن شايلها


صبحٍ دلق في سهاريج البها نوره @@@ واستأنست بالفياض الشمس واهملها


وارخى بكتفه على ليلٍ فتق زوره @@@ فجرٍ جلى همّها كفو ايتجللها


يا طفلة الغيث دوك العين مقهوره @@@ من رعشةٍ في الضماير كيف تصّلها


لـ اغرت عيون بدويٍ هيّض اشعوره @@@ ديمومةٍ فضفضت والشيح هاملها


وأقبل معه من رياض النرجس ازهوره @@@ يالله عسى تجبر الخاطر وتقبلها


من حقّها تفتخر وتزوم مغروره @@@ امن أوّل ابراجها لآخر سواحلها



وسلا متكم ،، بدوي .

.

اهلا بمعزب الضيفان وباالأخ بدوي مره اخرا

تحياتي لكما صح السانك

حوران ..

سلمت لي ودمت .. صح بدنك ولاهنت ..

تحياتي الخاصة ..

.

صح السانك يامعزب الضيفان وصح السان من قالها
وتقبلو تحياتي اخوكم سعيد المري

معزب الضيفان


اسعد الله اوقاتك

انت كذلك معزب الابداع والجمال

والشاعر بدوي ما يختلف عليه اثنين

شاعر مبدع بكل ما تعنيه هذه الكلمه من معان

ودائما قصائده لها طعم خاص ونكهه تشبهه دائما

سلم لي على نفسك وعليه


وشكرا لك على ما تقوم به


تحياتي

سعيد المري ،، صح لسانك والله لايهينك ..

تحياتي لك ..

.

السلام عليكم



بدوي


ماني بقايل شي الربع ماقصروو في حقه

واسبقووني على كل كلمه




لاكن يامعزب الضيفاان

سلملي على بدوي وبلغه فاعجابي الحار فيه

ولاتنسى تسلملي على نفسك وحبلي خشمك


صح السااااانه والساانك ولاهنت




تقبل تحياتي



اخوك / فالح القشعم

مرزوق العتيبي ..

عساي ماخلا منك يالسنافي .. سلامك وصل للقلب قبل .. ولاهنت على
تعقيبك اللي يرفع المعنويات لكتابة المزيد والمزيد ..

تحياتي واحترامي / معزب الضيفان .

الأخ معزب الضيفان
صح الله لسانك ولسان قايلها وشكرا للأختيار الطيب

معزب الضيفان..... اتمنى يكون لي راوي مثلك اهني اخوي الشاعر بدوي على وجود معزب الضيفان ابيض القلب.....بدوي انت قمه ولا استغرب عليك هذا الجمال والكويت واهل الكويت يستاهلون اللي يمدحهم يا بدوي...

تحياتي لكم

اخوكم/الواثق

[nashama]

معزب الضيفان

دائماً قمه فيما تكتب للشاعر بدوي الله لايهينك ويعطيه العافيه

على اتحافنا بهذه النوادر واهل الكويت يستاهلون


تقبل تقديري مع اجمل التحايا

فالح بن قشعم ..

أسعد الله أوقاتك بكل خير .. حبة الخشم وصلت وسلامك وصل ..

الله لا يهينك ..

الأخ مسعود اليامي .. صح الله بدنك ..
ودمت لي سالماً .. ولاهنت ..

أخوك / معزب الضيفان .

أبو فلااااح ؛؛ أنا تحت أمرك ،، باللي تبي ..

والله لا يهينك على التعقيب المميز ..

جعلني ماخلا منك ..

تحياتي واحترامي ..

أخو النشاما ..

جعلني ماخلا منك .. هذا أقل ما أقدمه لك ولـ شرواك من الأخوان

لاهنت ودمت لي سالما ..

.