ليييييين الجناب

أيها الأخوة الأعزاء / هذه القصيدة قلتها اليوم الأحد 3/2/1429هـ وقد يتسائل البعض عن مناسبتها فوددت التوضيح سببها رجل من أعرق القبائل في الجزيرة حدث بينه وبين نسيبه خلاف بسبب زوجة الثاني اللي هي أخت المتسبب في القصيدة وطلب مني حل الإشكال وكلمته فقال لي أنه فعل وفعل فقلت له شفته أوسمعته قال لي لا تقوله زوجته قلت له طيّب هل إعترف قال لي لا قلت له هل تقدح في ديانته وأمانته قال لا قلت له لاتسمع فيه كلام المرة وهي زعلانه تراه عندها أغلى منك ولا تشره في نسيبك وجرت عليه في لكلام فرد عليّ بقوله وش سلومكم يا أكلب قلت له أنتظر الجواب وقد أجبته بهذه القصيدة 0

ولا على القبايل جميع زود كلٍ حقه وافي



[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ياناشدٍ عن سلمنا تبشر بمثبوت الجواب=تشهد به الأجناب وأيضا يعرفه عنّا القريب

بالمختصر هاك الخبر ماريد تطويل الخطاب=وأبيك تفهم جابتي تراك رجّالٍ لبيب

من زارنا يطرب من الترحيب مع لين الجناب=رجّالنا للضيف يفرد ناظره ماهوقطيب

الضيف يكرم عندنا والجار محشوم الجناب=واللي جلا معنا دلوه ولا يحس إنه غريب

يمشي بأمان ومن خصومه لايذل ولا يهاب=يمشي وشمسه ساطعة مادام معنا ماتغيب

وخوينا في طرقةٍ غنّا بطاب الجوطاب=يدله وينسى الكل مايذكر عدو ولا صحيب

والعانية قدره مع نجوم السما فوق السحاب=يحشم ويكرم عن كلامٍ يسمعه ماهو مصيب

ولاناب نسمع فيه شكوى من يخالفه الصواب=نسد أذانينا عن اللي يقال به لومن حبيب

والراحلة من عندنا له لاكلوخ ولا حضاب=من هيبة اللي مدّها له دايمٍ تمشي وديب

ونحفظ معاريف الرجال نشوفها مثل الهضاب=ومن ظن فينا طيب ظنه بإذن ربي مايخيب

حنّا مواعين الوفا في كل سلمٍ مانعاب=حنّا هل العادات لامن خاب شبّاب وشبيب

حنّا عيال التغلبي حنّا مخضبة الحراب=حنّا نجومٍ بالدجا حنّا منزحة الحريب [/poem]

الاخ الغالي شجااااااااااع


علي الحراااااااااام انك كفو وربعك كفووووووو يالقررررررم


عز الله انها جزله من راس جزل


ارق التحايا



فيصل الوعيلي

شجاع
صح لسانك واعتلا شانك ونعم بك وبني عمك بدون نقص في جميع القبايل
لايستغرب الطيب من هله
تحيااااااااااااااااااااتي

ابو عمر

قبيلة اكلب كفو وغنيه عن التعريف بمجادها وانت كفو ياشجاع

اجل مروري واعجابي بما جبت لك تحياتي وتقديري

اخوك

فهيد السبيعي

اشهد انك كفو يابو عمر



يدلك على الرجال هرجه لياهرج

سوالفك وقصايدك كلها حكم ونصائح وعبر

بيض الله وجهك على هذا الجواب وصح لسانك