زحـــــول الــرجـــــال

السلام عليكم ورحمة الله وبركاته

في مدينة الرياض ليلة البارحة كان لي شرف ادارة أمسية شعرية والمشاركة فيها

بمناسبة حفل زواج ولد الخال محماس بن مسلط القريشي السبيعي وقد شارك فيها كل من

الشاعر المعروف بادي بن شجاع النفيعي العتيبي

وشاعر النظم والمحاورة المعروف ذياب بن دحيم السبيعي

وشاعر النظم والمحاورة المعروف مصلح بن ربح السبيعي

والشاعر مطلق بن محمد بن جغيثم السبيعي

والشاعر فالح بن ضيدان السبيعي

وقد شاركت بهذه القصيدة المتواضعة راجيا أن تحوز على الرضا والقبول

[poem=font="Simplified Arabic,5,#2900FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
سلام يا ربعٍ على الطيب ضارين=سلام مسك وعنبرٍ فاح عوده
سلامٍ أجمل من زهور البساتين=وأرق وأنعم من ذعاذيع نوده
إعداد ما ذعذع نسيم البرادين=وإعداد ما تذري ذواري نفوده
وإعداد مزنٍ خايلوه البداوين=وإعداد ما يبرق وترزم ارعدوه
وإعداد ما لبّوا اصفوف المصلين=وإعداد من صاح لطواريف ذوده
غلا محبه جيت أبارك لغالين=بأحلى التهاني والمواصل اقصوده
أحرص على شوف الرجال الميامين=لو كان وقتي ضيّقٍ في احدوده
تجذبني اللهفه لشوف العزيزين=وألا الغلا فالقلب وثّق اعهوده
ربعي محبتهم تفوق الموازين=ولحظة لقاهم من ليالي اسعوده
لهم محبه ساريه فالشرايين=وبين الحنايا مزهراتٍ اوروده
أفخر وأردد ذكرهم فالميادين=لامن غيري قام يمدح اجدوده
لي لابةٍ تاريخها له عناوين=في صفحة الأمجاد تشرق ابنوده
ربعي هل الشرفا اكعام المعادين=عوق الخصيم ليا تكاثر اجنوده
لاد القريشي للصعيبات راسين=جبالٍ يظل ظلالها من يروده
اللابه اللي فاللقاء تقضي الدين=أهل المواقف يوم تقدح ازنوده
خطلان الأيدي فعلهم يعجب العين=يفرح بهم مضيوم قلّت اجهوده
يتلون أخو جوزا صعوط المجانين=اللي حريبه ما اهتنا في رقوده
زحول الرجال اللي بالأفعال وافين=حاضر وماضي والقبايل اشهوده
تشهد عتيبة والبقوم وقـحـاطين=ومن الحجاز الين تاصل لجوده
فيهم سلاطينٍ وفيهم شياطين=قول العصيمي يوم يرسل اردوده
قولٍ صحيحٍ ما يبي له براهين=حنا هل العليا ونرقى اسنوده
إن كانها بالسلم حنا سلاطين=معنا صعيب الأمر سهلٍ نقوده
أهل الكرم والجود فالعسر واللين=ريف القصير ولا بحثنا اسدوده
وإن كانها بالحرب قالوا شياطين=من شافنا قال النمور امهدوده
اليا تعلّينا سواة الشياهين=نضرب بكفٍ دامياتٍ اصيوده
نسهج عرين الخصم للمرتع الزين=وكم أبلجٍ صرنا نهاية وجوده
عدونا مشروبه المر والشين=يبطي وهو يجمع شتايت جروده
في كفنا اليمنى عطى المستغيثين=وفي كفنا اليمنى شجاعة افهوده
كبيرنا بالطيب علّق نياشين=واصغيرنا ثوب المكارم امهوده
نارد حياض المجد ورد المحيمين=نشرب من الأمجاد صافي اعدوده
وختامها صلوا إعداد الملايين=على الذي خير العرب في اجدوده[/poem]

حجز اول


كفو والله بسبيع كااااافة


والله يبارك لابن خالك وحياة سعيدة ان شااء الله

ولافض فووووك...

الاخ الغالي


اررررررررحب يالقرم


ونعم فيكم ولا في القبايل قصور

سبيع لباسة البشوت كبيرين البخوت

ويام ان جلسو سلاطين وان فزو شياطين



شرفني مروري من هنا يالقررررررررررررررم




ارق التحايا

ارحب تراحيب المطر يابو عبدالله ومبروك زواج ابو مسلط

وصح لسانك قصيدة وافيه من وافي لاعدمناك

تحياتي وتقديري لشخصك العزيز

اخوك

فهيد السميري

صح لساااااااااااااااااااانك





وبيض الله وجهك











ولاهي غريبه

خالد

صح لسانك وصح قلبك
قصيده وافيه ومن راس وافي
لاعدمناك ولا عدمنا هذا الحضوووور

مشهوووور....

ابو عبد الله ارررررررحب


الله الله

صح لسانك


قصيدة وافيه وجزله من راس جزل ومتمكن

سلمت ولاهنت


تحياتي

أبو عبدالله

صح لسانك

ونعم بسبيع ولاقصور في جميع القبايل

ألف مبروك زواج ولد خالك والله يرزقه الذريه الصالحه


تقبل صادق الود والتقدير لشخصك الكريم

كن بخير

حجز اول


كفو والله بسبيع كااااافة


والله يبارك لابن خالك وحياة سعيدة ان شااء الله

ولافض فووووك...

أرحب يا تركي

وصح بدنك وما عليكم زود يا بعدي

ولاهنت على مرورك الكريم

أخوك

ابو عبدالله

صح لسانك

نص جميل وشامخ بحضورك الرائع

وسبيع ونعم وسبعة انعام

تقبل تحياتي

اخوك

ابونايف

ابو عبدالله

صح لسانك


كفو بسبيع كافة

ألف مبروك زواج ولد خالك والله يرزقه الذريه الصالحه


تقبل صادق الود والتقدير لشخصك الكريم

الاخ الغالي


اررررررررحب يالقرم


ونعم فيكم ولا في القبايل قصور

سبيع لباسة البشوت كبيرين البخوت

ويام ان جلسو سلاطين وان فزو شياطين



شرفني مروري من هنا يالقررررررررررررررم



ارق التحايا

فيصل الوعيلي

مرحبا بك ترحيبة المطر

وكفؤ بيام وكل قبائلنا العربية


ولاهنت على مرورك


أخوك