العجاجه اللي بحصت عذال الضحى

[كحيلان]

اهداء متواضع وقصيده متواضعه اتمنى ان تحوز على رضاكم
ياريح ثيري بصافي الجو عجه
وعنا احجبي شمس الضحى بالعجاجه
ثم اجعلي رصد العواذل مهجه
بغتات يطفي كل ضاوي سراجه
معه الغمام شبه الجهام الموجه
يرقى على متن السما باعتراجه
متراكمن للشوف ولا فيه فجه
كنه الجبال الصم عسر انفراجه
تكفخ بعضها ويدوي الرعد ضجه
يرجف لزيزه بالقلوب الخماجه
تجفل معه رخم العواذل لهجه
منهم عديل الروح يضحك حجاجه
متذيرين ورصدهم سيل رجه
شربي زلال وشربهم من هماجه
انا فدى من هو تواست حججه
بادنى جبينه ولارسمها خواجه
ابوثنايا بينها الشهد مجه
هرجه يسلي وهرج غيره سماجه
ترف القدم ولاله بالاسواق دجه
وفي مشيته لى سار دل وغناجه
العين عين اللي هدبها ترجه
كنها من بروق السحايب زجاجه
ريميتن بالروض ترعى بسجه
هدت عنان الشوف من دون حاجه
لى سلهمت برموش جفنن تفجه
في صدري الخافق يزيد ارتجاجه
لابارك الله في عذولن يخجه
عن شوفتي من عقب هاك المواجه
وسلامتكم

بيض الله وجهك....وصح لسانك

(........)
ولدعبس

ما لوم من قلبه غدا فيه لجه && سبت غزالٍ بالخباري مداجه
.....صح لسانك ولا تحرمنا من هذي ومثلها

انت متواضع والا القصيده ذي بليه

جعلك سالم وغانم