Tweet
هذه القصيده كتبتها بعد وفاة عمي قايل بن زيد رحمه الله رحمة واسعه وأسكنه فسيح جناته
ومهما كتبت وكتبت لن أوفيه حقه فهو أكبر من قلمي رحمه الله وغفر له وجعل قبره روضة من
رياض الجنه وألهمنا الصبر والسلوان على فراقه
ومهما كتبت وكتبت لن أوفيه حقه فهو أكبر من قلمي رحمه الله وغفر له وجعل قبره روضة من
رياض الجنه وألهمنا الصبر والسلوان على فراقه
[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الا يالله يارب البريه = يامرسل بالهدى محمد نبيه
ياخافض سبعٍ ورافع كماها=ياعالم بالظواهر والخفيّه
سألتك ياإلهي وانت جاهي= بكل اسماك لاتبخل عليّه
تجيب الدعوه اللي لك طلبها=وترحم عمي اللي ماش زيه
وتغفر له يارب الكون ذنبه = بحسناتك تبدل كل سيّه
وتجعل له جنان الخلد مثوى=وتمسح له ذنوبه والخطيه
وصبّرنا على فرقاه يالله= قضا حكمك وصدمتنا قويه
بكيته يشهد الله ثم بكيته= لوأن الدمع مارد المنيّه
ولكن هالني هول المصيبه=ومن هو لامني فالله وليّه
عسى ربي يصبر قلبي اللي=من الفرقا تفطربه ادميه
والا يالله خفّف حزني اللي= على قلبي كبر مقلع طميه
ابو فهد عسى الفردوس داره= كريمٍ سيرته بالطيب حيه
حكيم ان عمست الارياء وكبرت=سديد الراي حلاّل القضيه
كتاب الله والمسجد وفرضه =ياكم وصى عليها من وصيه
كريم ويفرح بشوفة ضيوفه= يرحب فالصباح وفالعشيه
ويشهد لي جميع الناس بأني = أقول الصدق ماقلته كذيه
وانا قصرّت في وصفه ولكن =قليلٍ فالعرب والله حليّه[/poem]
تعليق