Warning: session_start(): open(/var/cpanel/php/sessions/alt-php56/sess_9594fe4286c5a94bdfc3311ecaa3aed6, O_RDWR) failed: No such file or directory (2) in /home/alnadawi/public_html/vb/includes/vb5/frontend/controller/page.php on line 343 Warning: session_start(): Failed to read session data: files (path: /var/cpanel/php/sessions/alt-php56) in /home/alnadawi/public_html/vb/includes/vb5/frontend/controller/page.php on line 343 من بعد ماطاحت أبراج التجـاره = خرْبت الأوضاع في شبه الجـزيره ..!! - منتديات النداوي الشعبية

من بعد ماطاحت أبراج التجـاره = خرْبت الأوضاع في شبه الجـزيره ..!!

تقليص
X
تقليص
 
  • الصفحة لـ 1
  • الوقت
  • عرض
إلغاء تحديد الكل
مشاركات جديدة
السابق template التالي
  • عبدالله رزقان الحمياني
    " نــداوي "

    • May 2007
    • 57
    #1

    من بعد ماطاحت أبراج التجـاره = خرْبت الأوضاع في شبه الجـزيره ..!!

    ..


    أعزّائي ..


    السلام عليكم ورحمة الله وبركاته ..


    تحيةٌ من على المنبر ، عبقـُها المسكُ والعنبر ..


    وبعد : ..


    يشرفني أن ألقي ما جدتُ به بين أيديكم ..



    متمنّياً من الله أن يرضيكم ..


    .....


    ...

    .


    [poem=font="Simplified Arabic,5,#261D95,bold,normal" bkcolor="" bkimage="images/toolbox/backgrounds/15.gif" border="double,4,#1454B0" type=0 line=1 align=center use=ex num="0,#400000"]
    قالوا ان النار تبدى من شراره = مير أنا بابدا بها نارٍ سعيره
    ضاريٍ للمرّ ، وأدمــنْت المــراره = في ســـنينٍ كلـّـها مرّت مريره
    لي مع الأيام لفه واستداره = شيّبت بالراس في فتره قصيره
    مير أبثبت دام في راسي نعاره = وأنتصب يا لين الأنفـاس الأخيـره
    الزمن دوّار ، ويا ماسرع مداره = والتجارب تنتج عقولٍ بصيره
    وفي زماني شفت أنا كل الإثـاره = شفت قر العين ، والعين السهيره
    شفت حكم الشرع في حكم انحداره = شفت ترك الدَّين لاسبابٍ يسيره
    شفت سنّة سيّدي صارت عيـَـاره = فالقرى ، حتى بعد في كل ديره
    مير حال العرف من دون الشطاره = كوني امْن اللي يهمه : وش مصيره
    والنتيجه بعد صليت استخاره = الصبر أهون من إيقاف المسيره
    أسمع الأصوات من خلف الستاره = وأقمع الهاجوس من شيٍ يثيره
    والفرج في نظرتي طال انتظاره = ومن تحلّى بالصبر ؛ ربي يجيره
    أحمد الله آخذ الطيب بجداره = طايله يمناي ، والآريا بصيره
    من بعد ماطاحت أبراج التجـاره = خرْبت الأوضاع في شبه الجـزيره
    شبّت النيران بديار الطهاره = شـَـمـْـلت اللي كافيِ شره وخيـره
    والتبلّد فالبلد ساد انتشاره = وأصبح الإسـلام فأوضاعٍ خطيره
    الصقور استدْيكت عقب الصقاره = والديوك استصقرت .. ياليت خيره
    تمشي الأضباع مع حيد النماره = والثعالب فالغياهب مستزيره
    والأسد عينه على بيت الأماره = يوم هاك الوقت ما يامن خشيره
    صارت الدعوى بتصريح العباره = من ثبيره في ثبيره في ثبيره
    انطفى بعد الجفى ضوّ المناره = واختفى معه الدفى في زمهريره
    اختفى طبع الوفى والدار داره = ولا رفى هرج القفى في من يديره
    وأصبح المسلم يكفـّيه انتصاره = بالفصاحه ، مع قليلٍ من كثيره
    كفّ كفّه واكتفى بالإستشاره = وانكفى عن من لفى له بالذخيره
    والعرب عقب الصفى ترضى الكداره = العرب وشلون ترضى باليسيره ؟؟..!!
    اللعانه : عندهم صارت مهاره = والخيانه: عندهم حاجه صغيره
    اصطفاهم واحتفى جيش الوزاره = واقتفاهم بالخفى حزب الوزيره
    والوزيره يوم تدعي للحضـاره = قصدها يعني نجي جوف الحضيره
    لو سميره تابعه لحدود سـاره = ما مشت ساره على ساقت سميره
    قلتها والحرّ تكفيـه الإشـاره = يوم فعل الحرّ يَقنـَع به ضميره [/poem]


    .....


    ...


    .


    وســلامتكم جميعا ..


    وللجميع تحيـااتي ..
    الكلمات الدلالية (Tags): لا يوجد
    • عبدالله بن شايع الزهيري
      " وسام الاداره "

      • Feb 2005
      • 11482
      #2
      عبدالله



      بيض الله وجهك على هذه الغاضبه التي تحكي الكثير من الواقع مع العلم أنه لازال الخير موجود

      إن شاء الله الى يوم الدين وخاصه في هذه البلاد ورجالها الصالحين



      لاهنت الله يحفظك
      [poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
      الكفو عثرة لسانه تقلـل مـن غـلاه =والردي يخطي ويبطي لا منه ولا عليه
      والثقة قصر ركونه تنومس من بناه =والحكي لو نزه الدنس ما دنس نزيه [/poem]

      [align=center]فلاح القرقاح[/align]

      [align=center] (( ديـوانـي المـرقـابي ))[/align]
      [align=center](( ديـوانـي أبيــــات ))[/align]
      [align=center] qahtani@acs.com.sa[/align]

        تعليق

        • مشهور الخيّال
          " شايع العيافي"

          • Nov 2000
          • 10440
          #3
          أحمد الله آخذ الطيب بجداره = طايله يمناي ، والآريا بصيره
          من بعد ماطاحت أبراج التجـاره = خرْبت الأوضاع في شبه الجـزيره


          عبدالله

          صح لسانك وصح قلبك
          قصيده وافيه ومن راس وافي

          لاهنت ولاهان هذا الحضور

          تقبل تحيتي


          مشهوووور...

            تعليق

            • إحساس الغروب
              " نــداويه "

              • Jan 2008
              • 417
              #4
              الشاعر القدير عبد الله

              صح لسانك ملايين


              يعجبني الشعر عندما يحمل رسالة سامية بين طياته
              كحال هذه الكلمات الرائعة

              تحية لقلمك النقي
              ودمت طيب

                تعليق

                • سعد بن مناحي بن شفلوت
                  " ابن حبشان "

                  • Jul 2004
                  • 1706
                  #5
                  صح لسانك ياعبدالله

                  ابداع لايستغرب من شرواك

                  تسلم ولاهنت

                  تحياتي لك

                    تعليق

                    • بحر
                      سيف آل سلمان " مشرف قسم المحاوره"

                      • Oct 2000
                      • 2055
                      #6
                      صح لسانك ياعبدالله .... ويسلم راسك

                      على هالثائره والتي تحكي الواقع المر

                      بيض الله وجهك وهذا القصيد اللي يطرب

                      لاهنت وتقبل تحيات بحر
                      [poem=font="Simplified Arabic,6,#F0F0D8,bold,italic" bkcolor="undefined" bkimage="images/toolbox/backgrounds/10.gif" border="double,4,#400000" type=1 line=1 align=center use=sp num="0,#400000"]
                      الله يحيي طلتك يالنداوي طير حوران=أنا أشهد أنها طلةٍ تسعد القلب الحزيني

                      من عقب مقياضك وأنا خاطري حرصٍ وشفقان=حالت تصاريف القدر بالنيا بينك وبيني[/poem]

                        تعليق

                        • فهد بن شعلان
                          " نــداوي "

                          • Apr 2007
                          • 1878
                          #7
                          عبدالله



                          بيض الله وجهك


                          وصح لسانك


                          قصيده هادفه من شاعر جزل ومبدع


                          وكلامك صحيح 100%

                          سجل اعجابي وتقديري

                          لاهنت

                            تعليق

                            • عبدالله رزقان الحمياني
                              " نــداوي "

                              • May 2007
                              • 57
                              #8
                              [align=center]
                              المشاركة الأصلية بواسطة عبدالله ابن شايع الزهيري
                              عبدالله



                              بيض الله وجهك على هذه الغاضبه التي تحكي الكثير من الواقع مع العلم أنه لازال الخير موجود

                              إن شاء الله الى يوم الدين وخاصه في هذه البلاد ورجالها الصالحين



                              لاهنت الله يحفظك

                              هلا والله وغلا بمراقبنا القديـر / عبدالله بن شايع ..

                              ووجهك أبيض طال عمــرك ..

                              والحقيقه وجودك ووجود منهم على شاكلتك ، من الأكفـاء ووجيه الخيـر ..

                              يجعلنا ننظر لواقعنا بابتسامه ، وأكثر تفائل ..

                              دمت قدوه للأصح والأصلح ..

                              لك تحيآتي ..                               [/align]

                                تعليق

                                • جابر آل لحوير المري
                                  " نــداوي "

                                  • Mar 2008
                                  • 116
                                  #9
                                  اخووي..عبدالله رزقان الحمياني صح ألسانك ابيات رائعه وتتكلم عن واقع مرير للامه ....ولك جزيل شكري واحترامي

                                    تعليق

                                    • عبدالله رزقان الحمياني
                                      " نــداوي "

                                      • May 2007
                                      • 57
                                      #10
                                      المشاركة الأصلية بواسطة مشهور الخيّال
                                      أحمد الله آخذ الطيب بجداره = طايله يمناي ، والآريا بصيره
                                      من بعد ماطاحت أبراج التجـاره = خرْبت الأوضاع في شبه الجـزيره


                                      عبدالله

                                      صح لسانك وصح قلبك
                                      قصيده وافيه ومن راس وافي

                                      لاهنت ولاهان هذا الحضور

                                      تقبل تحيتي


                                      مشهوووور...
                                      الأخ العزيز / مشهــــور الخيـّـال ..

                                      صح بدنك ، وصح عقلك وكلك يالغالي ..

                                      مــرورك وتسجيل حضــورك ، هو الوافي والكافي والشافي ..

                                      دمت شامخاً ..

                                      تحيآتي ..

                                        تعليق

                                        السابق template التالي
                                        يعمل...