يالنابغه سلّم على كعب وزهير

السلام عليكم ورحمة الله وبركاته
متواضعه اقبلوهاا مني .. يكفيني بعض قبولكم


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يالنّابغه سلّم على كعب وزهير=وانعى يابو الطيّب تراب البحتري
ياعمرو ابن كلثوم يومنّك تغير=سود الليالي يوم تسريها سري
سلّم على الاعشى فـ (حي ابن النضير)=سلّم على حسّان وانصى الاشعري
لو تعلمون اللي بحاضرنا يصير=صار القصيد بعصرنا غضٍّ طري
صار الشعر في وقتنا حفنة شعير=مابين مستشعر وبين المفتري
ياسارقين الشعر ماتلقون خير=شعرٍ تقولونه من اصحابه بري
احدٍ من اصحابه يخمّ ويستعير=و احدٍ بزود المال يقدر يشتري
وانا نظمت الشعر من راسٍ خبير=مارحت ادوّر في مكاتب سمسري
شعرٍ نظمته يوم انا عمري صغير=ماهمني قول السفيه المجتري
ان صار للأقلام في الدفتر صرير=هلّت مزون الشعر واعشب دفتري
يابنت ياللي ملبسك ماس وحرير=شوفي قصيدي وارقصي واتمخطري
قولي لهم شاعر وللجزله سفير=ويموت اذا عانق جديلي منحري
قولي وانا بكتب لهم انّي جدير=شاعر وافكّر واتخيّر مصدري
ان صار للشّعار فـ الساحه هدير=صبّي عليهم يالقصايد وامطري
يالنّابغه اكتب وردد يازهير=(تبّت يدا شعر السروق المفتري) [/poem]


ولكم جزيل الشكر

فالح


صح لسانك وبيض الله وجهك



وافي


الله يرعاك

اخوي عبدالله بن شايع

صج بدنك وبيض الله وجهك

واشكركم على التنسيق