إن كنت تزور المنتديات لأول مرة فيرجى التفضل بقراءة صفحة المساعدة ، كما يشرفنا أن تقوم بالتسجيل لكي تتمكن من المشاركة وإذا رغبت بقراءة المواضيع فتفضل بزيارة القسم الذي ترغب أدناه .
[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
البارحه والهاجس وطرس الورق ساعي بريد=وافكاري رسالة اديب وحبرها عل ويا ليت
يعني تحدي من بنات الفكر والحس الفريد=للشاعر اللي غاب مده ماذكر له اي صيت
ودايم سؤال الغايب اليا عاد وش حصلت فيد=وانا على طول الغياب المر والله ماجنيت
الا اجمع الشرّد واصخر سادة حروفي عبيد=واسوق هقواتي على درب الطموح وماثنيت
اقدام عزمي لا خذلني الدرب والحظ البليد=اللي فهمني عكس تفكيري وحطم مابنيت
احاول ولامن خسرت اقول لا لا مستفيد=الحاجه ام الاختراع وتجربه منها دريت
ان الفشل مرشد نجاح لصاحب الفكر العنيد=وان العصاميه خوي يرفعك لامن هويت
ولا كشّر الوقت وحداني جبتها احساس وقصيد=وابداء حكايه او روايه او قصيده بيت بيت
وابني لذاتي من معاني العز والمجد التليد=فكر يجمل وقفتي لامن تعليت وحكيت
اشتت الحيره وارتب مجمل افكاري واعيد=تركيبة ابداعي بحرف الشعر لامني بديت
يعني القصايد كنها يوم احتمى الميقاف صيد=وفكري كما نادر حرار دام حي ماشكيت
ما اهده الا تهادى الخرب في ساعة وعيد=ماعاد ينجيه الحذر والا الدفاع المستميت
واسوقها للي سكن مابين دمي والوريد=واستوطن العوج المحاني في مقام وفي مبيت
اعتبره اغلى ماملكت الا اكبر ارقام الرصيد=واعتبره النور لظلام الدرب لامني سريت
لاضاقبي همي وصرت بسكة اشواقي وحيد=اسريبها مسرى معزي يوم ضاق به الكويت
وارفع بيارق نور حرف حرك اوراق الجريد=واهدم تماثيل الضلال اللي تهاوت يوم جيت
واكسّر اصنام الظلام اللي حكت قصة فقيد=غاب ويتاماه الحيارى تنتخي تكفون بيت
إلهم وقفت وسقت ذات الروح وحروفي شهيد=دمه نهار الموت مسك يفوح لو هو طاح ميت
وأعطي الحياة لمنبر الايتام واردد نشيد=عاش النصير اللي وقف للمعضله مقال ويت
يمكن غموضي شتت الافكار لاكني اريد=اوصل المعنى لمن يعنيه والا لا رأيت
انه عرف قدر اليتيم اللي بعث ساعي البريد=اتركله الرايه تحدي واكتفي باللي خذيت[/poem]
تعليق