بسم الله الرحمن الرحيم
كل وعام وأنتم بألف خير
تشرفت بإنتمائي لهذه الكوكبه من المبدعين ... وأشكر الأخ العزيز / سيف السهلي على هذه
الدعوه الكريمه ... وأتمنى أن أكون عند حسن الظن
هذه مصافحه أولى لقلوبكم الطاهره ......
[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ترجيت الزمن لحظه .. دخيلك ( حاجتي ميعاد )=أشوف اللي خلقها الله قمر ما هيب إنسانه
أجي بالشوق واللهفه .. وكني صاير ٍ منقاد=أجي بعروق عطشانه .. أجي بجروح شفقانه
أعانق فرحتي وأكشخ .. وأغيّر شكلي المعتاد=أزيـّـن غترتي مرّه .. ونوب آقول خربانه
أرش العطر في ثوبي .. يفوح لوصلها بعناد=أسوق اخطاي للموعد .. ونفسي حيييل ولهانه
أقابلها من الفرحه من اللهفه يضيع الضاد=أحاول أرسم البسمه ولو هي كذب من شانه
أقول النور بوجودك .. تقول النور بك يزداد=أقول إشتقت يا عمري .. تقول بليييز خجلانه
توريني هدايا جبتها في حفلة الميلاد=توريني قلادتها وهي من جد ّ فرحانه
و خصله من جدايلها تغطــّي خدّها الورّاد=وبسمه كنــّـها تشرق بنور الطيف وألوانه
نسيت أيامي الغبرا و همي والحزن منباد=تمنيت الزمن يوقف عشان اضيع بأحضانه
تلملمني مثل طفل ٍ يحاول ينطق الأعداد=مثل ما عدّت ضلوعي وتترك للغلا خانه
وفجأه قالت محمد !! .. تأخرنا و هيا عاد=ترى وقتي قصير وعاذلي ما يحفظ لسانه
شبكت بكفــّـها كفــّـي .. عسى وقت اللقا ينعاد=.عسى توقف بي الدنيا ليا من مرّ نسيانه
ترجيت الزمن تكفى .. دخيلك حاجتي ميعاد=أشوف اللي خلقها الله قمر ما هيب إنسانه
[/poem]
................................ و سلامتكم..............................
تعليق