[poem=font="Simplified Arabic,6,#F9FCE2,normal,normal" bkcolor="" bkimage="images/toolbox/backgrounds/32.gif" border="groove,3,#F5F5DB" type=2 line=0 align=center use=ex num="0,#400000"]
البارحه يوم الخلايق غواريق=في نومها والليل بآخر هزيعه
سرق منامي من عيوني سواريق=وهمٍ لجا في القلب مايستطيعه
أغيب في غيبوبة الهم وافيق=والهم غلاب القلوب الشجيعه
واصبّر الخاطر على قدر مااطيق=واقول خل الهم من سد ريعه
ياساك ماياسا الرجال المطاليق=عانوا مع الأيام مكر وخديعه
كلٍ بهمّه والضماير صناديق=مقفّلات وسرها ماتذيعه
لوشفتهم في ساعة الهم والضيق=تعرف تواصيف النفوس الرفيعه
بين الضلوع الحانيه والمعاليق=تلقى مداهيل الصدور الوسيعه
والصبر طيّب والمراجل توافيق=إصبر ولو ماطاعك الوقت طيعه
دنياك ماتعرف عهود ومواثيق=من يومها والغدر فيها طبيعه
كثرت عليك من الزمان التصافيق=وإحترت مابين الخطوط السريعه
ضاعت سنينك مثل صرف التفاريق=واقبل خريف العمر واقفا ربيعه
مدري متى تروى ويبتلّ لك ريق=يامدوّر الماء في سرابٍ بقيعه
عنّز على فتاح عسر المغاليق=اللي ضمن رزق الخلايق جميعه
يغني بفضله عن جميع المخاليق=ومن باعنا بالرخص بارخص نبيعه
عزّلت من صحبة نفاقٍ وتلفيق=صحبة مذله خير منها القطيعه
شفي بمطلاع الجبال الشواهيق=في ديرةٍ فيها الجوازي رتيعه
امشي خفا في غفلة الصيد واويق=وارمي طلايع جولها بالطليعه
وارتاح في ظل الغصون المواريق=اخير من ظل القصور المنيعه
واختار طاروقٍ من احلى الطواريق=ابدع عليه من البيوت البديعه
احلى من الشهد المصفى ليا ذيق=حلو الطعم طب الكبود الوجيعه
لولاي يدفعني للأجواد تشويق=اهل الصلاح محكمين الشريعه
لاأحط دون الناس بُعد المطاريق=واعدها من باب سد الذريعه[/poem]
البارحه يوم الخلايق غواريق=في نومها والليل بآخر هزيعه
سرق منامي من عيوني سواريق=وهمٍ لجا في القلب مايستطيعه
أغيب في غيبوبة الهم وافيق=والهم غلاب القلوب الشجيعه
واصبّر الخاطر على قدر مااطيق=واقول خل الهم من سد ريعه
ياساك ماياسا الرجال المطاليق=عانوا مع الأيام مكر وخديعه
كلٍ بهمّه والضماير صناديق=مقفّلات وسرها ماتذيعه
لوشفتهم في ساعة الهم والضيق=تعرف تواصيف النفوس الرفيعه
بين الضلوع الحانيه والمعاليق=تلقى مداهيل الصدور الوسيعه
والصبر طيّب والمراجل توافيق=إصبر ولو ماطاعك الوقت طيعه
دنياك ماتعرف عهود ومواثيق=من يومها والغدر فيها طبيعه
كثرت عليك من الزمان التصافيق=وإحترت مابين الخطوط السريعه
ضاعت سنينك مثل صرف التفاريق=واقبل خريف العمر واقفا ربيعه
مدري متى تروى ويبتلّ لك ريق=يامدوّر الماء في سرابٍ بقيعه
عنّز على فتاح عسر المغاليق=اللي ضمن رزق الخلايق جميعه
يغني بفضله عن جميع المخاليق=ومن باعنا بالرخص بارخص نبيعه
عزّلت من صحبة نفاقٍ وتلفيق=صحبة مذله خير منها القطيعه
شفي بمطلاع الجبال الشواهيق=في ديرةٍ فيها الجوازي رتيعه
امشي خفا في غفلة الصيد واويق=وارمي طلايع جولها بالطليعه
وارتاح في ظل الغصون المواريق=اخير من ظل القصور المنيعه
واختار طاروقٍ من احلى الطواريق=ابدع عليه من البيوت البديعه
احلى من الشهد المصفى ليا ذيق=حلو الطعم طب الكبود الوجيعه
لولاي يدفعني للأجواد تشويق=اهل الصلاح محكمين الشريعه
لاأحط دون الناس بُعد المطاريق=واعدها من باب سد الذريعه[/poem]
تعليق