هم ويزول

مروي زمانك ورد خدك ومطغيه
وانا زماني حر كل الفصولي
ما للحرير الا حريرٍ يحاليه
لاكبر همومك قول هم ويزولي
أنا اتحمّل عنك همٍ مخبيه
والا اتحمّل فيك نظرة عذولي
أرضي عيونٍ حملتني مشاريه؟
ولا عيونٍ تستحي لا تقولي؟
ليا صارت الدمعه على انسان تغليه
صعبه على غالي تقول افزعو لي
لو انها من واحدٍ ما تدانيه
والله لا افقّع له عيونه بذولي





نص مختلف من شاعر مسكون بالإبداع

أذهلتني بأفكار وحبكة النص ياعامر وأرويتني شعراً


لله درك من شاعر

وسجلني من متابعيك دائماً

مرحبا بالجزاله وراعيها


الشاعر عامر

ابدعت أيها المبدع


لاغرابه


نص يثبت وجوده

من شاعر قرم وجزل

تقبل مروري وتقديري

[align=center]ارحب ياعامر

الله يحيك وصح الله لسانك

وبيض الله وجهك ولاهنت

تقبل تحياتي[/align]

[align=center]البقا يا ابن حويل

ووجهك ابيض ولا هنت

غمرتني باستحسانك لها

الشكر لا يفيك

اخوك[/align]

ياصباح ومساء الشعر

ياصباح ومساء منتديات النوادر وفطاحلتها


عامر العمار

شاعر جميل جدا وراائع وشهادتي فيه مجروحه لا اقصد منحورررررررره


صح لساانك مليون


ولاهنت


اخوك

سالم اليامي