Tweet
[poem=font="Traditional Arabic,6,#006699,bold,italic" bkcolor="#FFFFFF" bkimage="images/toolbox/backgrounds/20.gif" border="inset,10,#33CCFF" type=1 line=0 align=center use=ex num="0,#400000"]
مرات الوم القلب واشره على العين=
=في حب منهو غاب من غير سبه
ومرات اقول إنه سلوم المحبين=
=إنك تحب اللي تناسا المحبه
ياصاحبي بيني وبينك وفا دين=
=رد العطايا مثلك يخاف ربه
عطني بعض ماجاك اول وهالحين=
=وإلا احفظه تذكار عندك وغبه
مدري دروبك لي تودي على وين=
=كله متاعب والشقا منكتب به
دورت عن دربك بكل البساتين=
=سألت كل الورد حبه وحبه
الشوق عندي راجح ٍ بالموازين=
=ياللي عيونك تسلب العقل لبه
لك هبة ٍ ماهي بكل المزايين =
=وآمني الخاطر بريحة مهبه
نار الغلا ما يشعله كود غالين=
=ياهونها عندك وياسرع شبه
قلبي شرب فنجال حبك من سنين=
=مايرتوي لو كل يوم ٍ تصبه
مهما يطول الوقت مثلك قليلين=
=والمشكله إنته جروحي وطبه
لاجيت آبنسى جاوب القلب بعدين=
=حبك تمكن بالخفوق ولعب به
بحر المحبه له حدود وقوانين=
=أحد ٍ غرق وأحدٍ بموجه ركب به
ياللي رحلت وصار مالك عناوين=
=وأنا معك كني على راس قبه
أبيك تقسم بيننا الحب قسمين=
=قسم ٍ معك يبحر وقسم ٍ بغبه
عديت لك مره وعديت ثنتين=
=والثالثه ياخوفتي من مغبه
مالي عليك إلا الصبر والله يعين=
=يمكن تحن ودعوتك لي تنبه
[/poem]
مرات الوم القلب واشره على العين=
=في حب منهو غاب من غير سبه
ومرات اقول إنه سلوم المحبين=
=إنك تحب اللي تناسا المحبه
ياصاحبي بيني وبينك وفا دين=
=رد العطايا مثلك يخاف ربه
عطني بعض ماجاك اول وهالحين=
=وإلا احفظه تذكار عندك وغبه
مدري دروبك لي تودي على وين=
=كله متاعب والشقا منكتب به
دورت عن دربك بكل البساتين=
=سألت كل الورد حبه وحبه
الشوق عندي راجح ٍ بالموازين=
=ياللي عيونك تسلب العقل لبه
لك هبة ٍ ماهي بكل المزايين =
=وآمني الخاطر بريحة مهبه
نار الغلا ما يشعله كود غالين=
=ياهونها عندك وياسرع شبه
قلبي شرب فنجال حبك من سنين=
=مايرتوي لو كل يوم ٍ تصبه
مهما يطول الوقت مثلك قليلين=
=والمشكله إنته جروحي وطبه
لاجيت آبنسى جاوب القلب بعدين=
=حبك تمكن بالخفوق ولعب به
بحر المحبه له حدود وقوانين=
=أحد ٍ غرق وأحدٍ بموجه ركب به
ياللي رحلت وصار مالك عناوين=
=وأنا معك كني على راس قبه
أبيك تقسم بيننا الحب قسمين=
=قسم ٍ معك يبحر وقسم ٍ بغبه
عديت لك مره وعديت ثنتين=
=والثالثه ياخوفتي من مغبه
مالي عليك إلا الصبر والله يعين=
=يمكن تحن ودعوتك لي تنبه
[/poem]
تعليق