بسم الله الرحمن الرحيم
الاخوه الاعزاء الاسلام عليكم ورحمة الله وبركاته
مشاركه بسيطه عقب طول غياب مع الاعتذار عن
طول الغياب لضروف خاصه وأتمنى تغفر لي عن
ذالك الغياب ...
[align=center]غــلــطــة الــشــاطـــر [/align]
[poem=font="Simplified Arabic,6,#160969,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
من كف صاحب تجيك وعينـك تناظـر=مفاجـأه .. وأدري أنـك ماتصـورهـا
مليت من كثر غلطاتك .. وأنـا صابـر=وكنـت أتحمـل .. وغلطاتـك أمررهـا
كم قلت لك فـالخطا لاتزيد .. وتكابر=وغلطتك ماتعتـرف فيهـا .. وتنكرهـا
ماتسمع اللي يقول إن غلطـة الشاطـر=صعبه .. ويبقـى مـع الايـام يذكرهـا
مع السلامـه .. ترانـي باكـر مسافـر=نفسك علـى غيبتـي .. لازم تصبرهـا
خلك بليل الفـراق لحالـك .. وساهـر=جوارحي منـت كفـو بليـل تسهرهـا
صار الوفاء في قواميـس الغـلا نـادر=مشاعر الصدق .. مابـه مـن يقدرهـا
حبك مجرد غلط .. فـي دنيتـي عابـر=غلطه ومنها أعتبر .. ماعـاد أكررهـا
وعالخد الايسر .. تجيك وعينك تناظر=مفاجـأه .. وأدري أنـك ماتصـورهـا [/poem]
[align=center]وسلامتكم ودمتم سالمين : نايف العويد [/align]
تعليق