Tweet
[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
على جغمتينِ باقيه من لبن عصفور = سرى الليل كلّه لا معسّـل ولا دخـّان
ولا يبكي الغوري ولا يضحك الدافور = ولا تشفق الهيله على دلة الرسلان
كذا فلسفه لاني بمنهي ولا مامور = تداحم هجوسي هيض وأضرب على المليان
انا وأسهمي والسوق والفقر والهامور = أجمّع من الكنهل وأصرّف على البلطان
اصدّق وعَد ربي وأكـّذب وعد بلفور = ولاهمّني من صار ريّس على لبنان
وانا في الحقيقه كنت أرشح محمد نور = يكون البطل بمسلسلة نمر بن عدوان
على شان مايزعل وفعلاً يعيش الدور = ويرجع على وضحا بعد سهرة الرعيان
وإلى من لقاه الشيخ شبلي يصيد طيور = يكون الهدف قمريّةٍ من ورى الصمّان
عموما سرى ليلي كذا ماعليّ قصور = على كيفي الحبّه تساوت على النيشان
ومنصور جنبي ضايق وخاطره مكسور = من الفاتيكان وكوندليزا وحرب إيران
ومن حبكة الشاعر ومن صفقة الجمهور = ومن لكزس محمد ومن كابرس سلطان
يامنصور كيف الحال يالشاعر المشهور = ترى ذا السوالف كلها دربكة خبلان
ماتسوى عليك تعيش بأسبابها مقهور = حرامٍ إن مثلك من خرابيطهم زعلان
تهون الصعايب والزمن يكشف المستور = يوجّهك راسك ما يوجّهك ماجّلان
فقط شغل الكنود وخل القدور تفور = هنا معشّي الضيفان ومغدّي الضيفان
وإذا كان وإلاّ قامت الدايرات تدور = فلا تركب إلاّ عولقيـّه وبنت حصان
نصلّي صلاة الخوف في الجرهد المخبور = أنا وأنت وإحداعش ملك من ملوك الجان
من التوبه آيه وآيةٍ من ختام النور = مع الآية اللي ميـّزت سورة الرحمن
وصلّى الله وبارك وداب الحطب معقور = وقدّامك الميدان وين أنت ياحميدان
هناك آخر الطابور وهنا أول الطابور = وتدري من الرابح وتدري من الخسران
ولكن مادام الوضع ضحك وفرح وسرور = وعشّاقة البويه تشخبط على الجدران
فلا ينشغل لك بال هذي شهادة زور = وقدّام شاهدها قضا شوكة الميزان
وانا وانت والقاضي من أولاد تسع شهور = ومن يطرق البيبان تفتح له البيبان
يادكتور هذي وصفة علاج من دكتور = جميع الدكاتر لا حضر كلـّهم مرضان
ملاعق عسل سدره مع السمسم المعصور = مع الحبـّة السودا مع قشرة الرمان
تعالج من أوجاعك ولا تقرب المحظور = وبسم الله الرحمن تطرد بها الشيطان
ومشكور ومجمّل وانا مجمّل ومشكور = وخذ فتحة البيبان في قفلة القيفان
من الدين والمنطق والأعراف والدستور = إذا عميو الشيبان قادوهم الورعان
حقيقه بكلّ شعور ماهي بدون شعور = تصحّي بها النايم ويسهر مع السهران
وتشرب لبن عصفور وتعيش يامنصور = وأنا بعت سابك بعد ما نسـّبت جيزان
ولا مانع ٍ ياخوك من زرقة المذكور = معه ربع ساعه قبل تقفيلة الدكّـان !
[/poem]
على جغمتينِ باقيه من لبن عصفور = سرى الليل كلّه لا معسّـل ولا دخـّان
ولا يبكي الغوري ولا يضحك الدافور = ولا تشفق الهيله على دلة الرسلان
كذا فلسفه لاني بمنهي ولا مامور = تداحم هجوسي هيض وأضرب على المليان
انا وأسهمي والسوق والفقر والهامور = أجمّع من الكنهل وأصرّف على البلطان
اصدّق وعَد ربي وأكـّذب وعد بلفور = ولاهمّني من صار ريّس على لبنان
وانا في الحقيقه كنت أرشح محمد نور = يكون البطل بمسلسلة نمر بن عدوان
على شان مايزعل وفعلاً يعيش الدور = ويرجع على وضحا بعد سهرة الرعيان
وإلى من لقاه الشيخ شبلي يصيد طيور = يكون الهدف قمريّةٍ من ورى الصمّان
عموما سرى ليلي كذا ماعليّ قصور = على كيفي الحبّه تساوت على النيشان
ومنصور جنبي ضايق وخاطره مكسور = من الفاتيكان وكوندليزا وحرب إيران
ومن حبكة الشاعر ومن صفقة الجمهور = ومن لكزس محمد ومن كابرس سلطان
يامنصور كيف الحال يالشاعر المشهور = ترى ذا السوالف كلها دربكة خبلان
ماتسوى عليك تعيش بأسبابها مقهور = حرامٍ إن مثلك من خرابيطهم زعلان
تهون الصعايب والزمن يكشف المستور = يوجّهك راسك ما يوجّهك ماجّلان
فقط شغل الكنود وخل القدور تفور = هنا معشّي الضيفان ومغدّي الضيفان
وإذا كان وإلاّ قامت الدايرات تدور = فلا تركب إلاّ عولقيـّه وبنت حصان
نصلّي صلاة الخوف في الجرهد المخبور = أنا وأنت وإحداعش ملك من ملوك الجان
من التوبه آيه وآيةٍ من ختام النور = مع الآية اللي ميـّزت سورة الرحمن
وصلّى الله وبارك وداب الحطب معقور = وقدّامك الميدان وين أنت ياحميدان
هناك آخر الطابور وهنا أول الطابور = وتدري من الرابح وتدري من الخسران
ولكن مادام الوضع ضحك وفرح وسرور = وعشّاقة البويه تشخبط على الجدران
فلا ينشغل لك بال هذي شهادة زور = وقدّام شاهدها قضا شوكة الميزان
وانا وانت والقاضي من أولاد تسع شهور = ومن يطرق البيبان تفتح له البيبان
يادكتور هذي وصفة علاج من دكتور = جميع الدكاتر لا حضر كلـّهم مرضان
ملاعق عسل سدره مع السمسم المعصور = مع الحبـّة السودا مع قشرة الرمان
تعالج من أوجاعك ولا تقرب المحظور = وبسم الله الرحمن تطرد بها الشيطان
ومشكور ومجمّل وانا مجمّل ومشكور = وخذ فتحة البيبان في قفلة القيفان
من الدين والمنطق والأعراف والدستور = إذا عميو الشيبان قادوهم الورعان
حقيقه بكلّ شعور ماهي بدون شعور = تصحّي بها النايم ويسهر مع السهران
وتشرب لبن عصفور وتعيش يامنصور = وأنا بعت سابك بعد ما نسـّبت جيزان
ولا مانع ٍ ياخوك من زرقة المذكور = معه ربع ساعه قبل تقفيلة الدكّـان !
[/poem]
تعليق