ميت دماغيّاً !!

اليكم الجديد وسامحونا

[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
جرحٍ يروح ويزول وينّسى فالزمان = وجرحٍ مع الوقت لاوالله حشا مايروح

البارحه بين فكري والعيون امتحان= العين تبغا المنام وفكرها به شحـوح

أشرق علي الصبح ماغمضنّ العيان= من ضيقتي غرفتي ماباقي الا تنـوح

قمت اتفكـر وكني جالسٍ بالمكان = اللي به أحلامي الاولى وذاك الطموح

ذاك المكان الذي به راحتي والامان= وآمالي اللي بنيت ابها كبير الصروح

وحلمٍ بنيته مع المحبوب سيد الحسان=الصاحب اللي على لقياي دايم جموح

تفرح بشوفه عيوني قبل نطـق اللسان=وأضيع لاسلهمت عينه برمشٍ ذبـوح

كـــم ليلةٍ جمعّتنا سر والجو زان= يوم الليالـي شــذاها بالمحبة يفـوح

راع الوفاء بالوفاء وافي ولايوم خان=كاتم للأســــرار حافظها ولاهو يبوح

صدّقت حلمي واحسبنّي كسبت الرهان=ماكنت احسب الليالي وافيه بالجـروح

وصدمني الواقع ابدنيا الشقا والهـوان =تلاشت احلامي اللي في سمايه تلوح

ساعة فراقه وكن الموت جاء في ثوان = حاولت أخفيّ ودمعي فالموادع فضوح

احاول انسى ولكــن حزني اليوم بان = وان قلت اخفيه واضح للاوادم وضوح

واصبحت مثل الذي بعـد العلو ابطمان=من بعد عيش الرغادة عايشٍ في نزوح

أومثل ميت ولكــن ماوصلّه الأوان=ميت دماغيّاً ولكـــن باقـــيٍ فيه روح

ياليلة الضيق عدتي والحزن جاء وحان= راح العمر فالرجاء والياس طبعه بجوح

والله ماعاد باقي للفــرح بي مكان =وشلون ابسلّى بعد فرقا الحبيب السمـوح

طفت الأماكن وحــزني باقيٍ فالكيان =وانا ادري انْ القدر مكتوب في وسط لوح[/poem]

صدّقت حلمي واحسبنّي كسبت الرهـان

ماكنت احسب الليالي وافيـه بالجـروح

وصدمني الواقع ابدنيا الشقـا والهـوان

تلاشت احلامي اللي في سمايـه تلـوح

قصيدة بها من الابداع الشيء الكثير

بيض الله وجهك

وصح السانك مدد بلا عدد

ورودي

جزل

الى ابعد الحدود وشاعر من العيار الثقيل


صح والله لسااااااااااااااااااااااااانك الى رضاااااااااك

متعب العتيبي

صح لسانك طال عمرك

قصيدة رائعه تستحق الاعجاب



تحياتي

صح كلك يا متعب

الجزل ما يجيب دايم الا الجزل

جعل لسانك ما يطرم

تحياتي

اخوك

ابو رشيد

صح لسانك

وماتشوف باس

شاعر غني عن التعريف

اخوك

ياليلة الضيق عدتي والحزن جاء وحـان
راح العمر فالرجاء والياس طبعه بجوح
والله ماعاد باقـي للفـرح بـي مكـان
وشلون ابسلّى بعد فرقا الحبيب السموح
طفت الأماكن وحزنـي باقـيٍ فالكيـان
وانا ادري انْ القدر مكتوب في وسط لوح


صح لسانك ياأخ متعب ...معبره هذه القصيده

دمت بخير

نايف العليان

صح بدنك

شاكر لك مرورك

اخوك ومغليك

أخي الغالي / متعب العتيبي ..

صح لسانك وانا اخوك

على هذه القصيدة الأكثر من رائعة

وتقبل فائق احترامي

أخوك / قديم الشوق

وحلمٍ بنيته مع المحبوب سيد الحسـان
الصاحب اللي على لقياي دايـم جمـوح
تفرح بشوفه عيوني قبل نطـق اللسـان
وأضيع لاسلهمت عينه برمـشٍ ذبـوح
:
;
صح السانك يا متعب

محمد الروقي

صح بدنك

شاكر لك مرورك الجميل

اخوك ومغليك

تحياتي وتقديري

محمد الحمراني

صح بدنك

شاكر لك مرورك الجميل

لاخلا ولاعدم


اخوك ومغليك

تحياتي ,,,