هـلا هـلا ,, يا مولّعْـتـي وملهمتـي ( 1 )

بسم الله ,,,,

وهذه اول مشاركاتي ,, والتى اتمنى ان لا تنقطع ابداً من هذا المنتدى ,,,

هـلاَ هـلاَ يـا موَلَّعْتـي ومِلْهِمْتـي **** يـاَ مَرْحَبـا واللـه إنّـى صـادقٍ فيها


نَوَّرْتـي الـدّار شَرَّفْتـي وتَمَّمْتـي **** باقـي الفَـرَحْ للدِّيـار اللِّي حَواليها


يَا مَرْحَبَا يَا قِصيـدي العَذْب يَا صَمْتـي **** يـَ احْلَى التَّعابير بَـ اوَّلْها وتاليها


اللّـه يسَلِّمْك .. مَدْري كان سَلَّمْتي ؟ **** ماهو مُهِم اسْمَعِك وانْتى تْقوليها


يَكْفينـي آآآحِسِّ بِك حَتّى الْيا نِمْتـي **** واعْرِف جِميـع الحلوم اللّي حَلَمْتيها


واعْرِف جِميع اللّي واجَهْتـي وكَلَّمتـي **** واعْرِف مِشاويـر رِجْلِك وين رِحْتيها


بَلْعـون مَنْتـي بِـ غَلْطانَـه .. تِشَيَّمْتـي **** عـَن الرِّدِيّه وَلا جيتي حَراويها


تِفَضَّلـي واجْلِسي فَـ القَلْب ماَ دِمْتـي **** غَزيتـي المَمْلكَه ثُمِّن مَلَكْتيها


مَلَكْتـي الُّروح بِالرّضْوان واتْهَمْتـي **** كِلْ مَنْ قَرَبْها .. بِـ سوء الفِعْل ناويها


تِكَلِّمـي وِشْ عَلامِـك ماَ تِكَلَّمْتـي **** لِكْ نِصْف ساعَـه .. غَناتـي ويِشْ تاليها ؟؟؟


وِشْفيـك ؟ لالا تِقولـي اِنِّك تَنَدَّمْتـي **** مَدام جيتي وشِفْتـي الحال .. راعيها


أَقْسَمْـت بِالِّلي حَلَفْتـي فيه واقْسَمْتـي **** إِنّـى لَـ اَحَقِّق مِناةٍ لِك هَويتيها


ما دمْتـي الغالِيَه وِان جيتي أَو قمْتـي ***** واغْلى البِشَر ... وَاللّه اِنِّى صاادقٍ فيها


,,,,,,,,,,,,,,,,,,,,,,,,,,,,,,,,,,,

مع فائق تحياتي ,, وجزيل امنياتي بأن تناال القليل من اعجابكم ,,,

اخوكم : ابو الاصاله

كل ذا ولا هي معجبتنا

هذا تواضع يابو الاصاله
تِكَلِّمـي وِشْ عَلامِـك ماَ تِكَلَّمْتـي **** لِكْ نِصْف ساعَـه .. غَناتـي ويِشْ تاليها ؟؟؟


وش غير ذا الدرر إلا قولت صح الله لسانك
. .

يَا مَرْحَبَا يَا قِصيـدي العَذْب يَا صَمْتـي **** يـَ احْلَى التَّعابير بَـ اوَّلْها وتاليها


اللّـه يسَلِّمْك .. مَدْري كان سَلَّمْتي ؟ **** ماهو مُهِم اسْمَعِك وانْتى تْقوليها


يَكْفينـي آآآحِسِّ بِك حَتّى الْيا نِمْتـي **** واعْرِف جِميـع الحلوم اللّي حَلَمْتيها

وووواو رهيب والله رهيب

صح لسانك وسلمت اناملك

احاسيس جدا رائعة ... ترجمتها كلماتك الرقية

في انتظار جديدك

اخوي سهم المنايا ,,,

مشكور على ردك الطيب والمفرح ,,,

لا عدمتك اخي العزيز ,,,,,

اختي الواثقه ,,,,,

صح بدنج ,,, ولا هنتي ,,,,

الرهيب هو شخصك الكريم ,,,,

لا عدمتك انشالله ,,,,