زغــاريــد

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]


اشلون افسر غيبتك وانت موجود؟ = يافلسفة وضعك معي ياتلع الجيد

تنزف على جرح الغيابات بارود = الزند فقدك والمشاعر بواريد

سيف القطيعة صلت نافذ ومجرود = متسلطٍ ينحر صدوق المواعيد

خلك على خُبري مثل مانت معهود = تشوف جمع الشمل في عُرفنا عيد

ابحر بنهر الوصل وابذل لنا الجود = الهجر ؛ فعلٍ ماترومه لاجاويد

لاتحطم المركب على صُم جلمود = ربان لوحك ماتحاشا الجلاميد

اتظاهر اني في مواصلك موعود = اكتب خواطر فيك واكتب اناشيد

انحر على بيض الورق خيرة الذود = اروي يراعي من غزير المواريد

نحرت لك من شِعر ؛ حايل ومفرود = الّحيل نظمي والقوافي مفاريد

حبل الأمل في الوصل مازال معقود = متشدده في ايد واثنيه في ايد

كُل الحذر لا يطلع الحلم مصفود = وأنا تأمل فيه صوت الزغاريد

ياسيّد انظر ؛ في مُعاناة مسيود = يبسط لك اكفوفه ويزرع لك البيد

تعال وأقطف لك من الصدر عنقود = مادام صدري لك مروج وعناقيد

والله يا لولا وطية الرّجل منقود = لاكسر على شانك عريق التقاليد

وحق الشِعر والملح وعيونك السود = اخشى غيابك مثل ماخشى المناقيد [/poem]

ياسلااااااااااااام يامحمد السالم



نص يجبر من قرأه على الإشادة به وبمشاعرٍ أنتجته



جزل وعذب وذرب صح الله لسانك وطاب بيانك وربي ماهانك وعلى الخير عانك



تحياتي لك

محمد

صح اسانك

على القصيده الشامخه

تحياتي لك

محمد

صح لسانك

على القصيده الجزله

[align=center]محمد السالم

نص جميل جدا يستحق الإشاده

تحيتي[/align]

الغالي محمد

سعدت بماقرأت

لافض فوك

باقة ورد لك

محبتي

تعال وأقطف لك من الصدر عنقود
مادام صدري لك مروج وعناقيـد
والله يا لولا وطية الرّجـل منقـود
لاكسر على شانك عريق التقاليـد


ايوسالم

صح لسانك وصح قلبك

قصيده وافيه ومن راس وافي

لاعدمناك ولا عدمنا هذا الحضور الباذخ


تحيتي


مشهوووور....

الحبيب / ابو عمر


وجودك لوحده قصيدة


فلك الشكر والعرفان

الاخ الكريم

عبدالهادي القحطاني


صح ابدنك

وشكرا على المرور