() عرش الكرم ()

مصافحه أولى ..




[poem=font="Simplified Arabic,6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
تجارب والحياه أكبرتجارب والرجال رجال= ومن لاجرب الدنيا حقيقة مايعيش أبها

يميني وثقة حبل المراجل والرجال جبال= وتعقب لحيتة ٍ مايحتميها فعل شاربها

على عرش الكرم ثابت شدادي والرجال أفعال= وكسبت من الفعول اللي تبيض وجه كاسبها

على درب المعزه سقت رجلي والقدم مامال= وأشوم بعزتي وأترك وطاها يامعذربها

ردي الساس مايقوى على العليا ولايحتال = ورجله في طلب كلمة نعم ماهوب متعبها

صحيح أن الحمول تخف من وزن الثقيل ثقال= وعزيزيستعز بعزنفسه في مكاسبها
على عدّ الروى ندلي بدلوٍ ماضرب فالجال=ونشرب صافي الجم ورشانا في مقاضبها

أنا حر ٍ نداوي لاشهر عدّى على ماطال= تعلا فالمناصب وأعتلا عالي مناصبها

وأنا ماأسمع من ضعوف النفوس وهرجت العيّال = أخاف مطاوله فالهرج والتاره يجيكبها

سلايل رووس قوم يحتمون القول بالأفعال =مقاديم الرجال اللي عريبه في مناسبها

جريه خطوتي بأسم ٍ يشرفني عن الأنذال= أعرف الموجبه تكرم عن اللي مايوجبها


أنا شفي من الدنياء سنافي ٍ عريب الخال= على ساس المراجل في دروبه مايجنبها

هذا والله رصيدي ياوجيه الخير رأس المال =عريب الساس بحر الجود من كفه يفوزبها

وشفي فالرجال أهل الحقوق وحطت المعدال= أورّد حق وآخذ حق والحجّات مقطبها

أنا وافي بكيلي وأكره اللي هس فالمكيال=ردي الساس من ساس الردى تقصر ركايبها

وأنا شفي من دلال أشقرٍلاسيق في الفنجال=مباهيرٍ تفاهق عن سناء الشعله ولاهبها

تكيّف رأس عمسانٍ من عماسه يضيق البال=ثلاث ولالهن رابع وراع الكيف حاسبها

الأول كيف رأس ومن تكيف به على ماقال =يقند ريحها للرأس لاجتبه هبايبها

ويثني كيفها لعماس باله وأنجلى بالحال=وجاب من القصيد وسند القصه لشايبها

وثالث كيف يكرم بنها والهيل وسط دلال=ويكرم ساس بيت منزله عالي نجايبها

وشفي شف حرٍ هام نفسه من يد النقال=على جول ٍ بعيد ٍ للنظر شوفه يقربها

تعلاّ وأعتلأ خرب ٍ عليه العين فوقه جال =عليه أهوى بمخلابٍ يفج نحور صايبها

عطيب ٍ لاتمكن مضربه ياعزتي للحال=حرارٍ ماتذوق إلاّعشاها من مخالبها

وشفي لاتناشا في مقاديم السحاب خيال=برق في مدلهمه والهوى دار وتعقبها

وزهم رعاد مقدمها وسمى وأمطر الهمال=وسكرعنه الهوى والأرض كن السيل ناهبها

غسل وجه البسيطه فوق نجد وكل واد ٍ سال=مشوا بفراش خيره لين واد الهضب سالبها

ومشوبه لين ضلع طويق سيله للجذع شيال=وشمال لياالحدود وديرة الأشراف قالبها

ويحده غرب شبك الصيد في محمية الأبطال=وظفى خيره على كل الديار اللي تقربها

ترى هاذي طراة العمر وإن زلت بي الأقوال= أسبّق عذرها قدام قاريها وكاتبها

[/poem]

الحرالأشقر

صح لسانك

ياسعد

على عرش الكرم ثابت شدادي والرجال أفعـال

وكسبت من الفعول اللي تبيض وجـه كاسبهـا

جارح الكسر

أخوي سعد المسعودي

ارحب والله يحييك في شيخ المنتديات ويشرفنا وجودك

صح لسانك واعتلا شانك

رايعه ووافيه من وافي

لك فائق احترامي وتقديري

أنا حر ٍ نداوي لاشهـر عـدّى علـى ماطـال
تعـلا فالمناصـب وأعتـلا عالـي مناصبهـا

وأنا ماأسمع من ضعوف النفوس وهرجت العيّال
أخـاف مطاولـه فالهـرج والتـاره يجيكبهـا

سلايل رووس قوم يحتمـون القـول بالأفعـال
مقاديم الرجـال اللـي عريبـه فـي مناسبهـا


كفو ياسعود


وصح الله لسانك


جزاله وحكمه وفخر وسمو هدف طرزت به هذه الدره


للــــه درك



الله يحفظك

صح لسانك

ياسعد

على عرش الكرم ثابت شدادي والرجال أفعـال

وكسبت من الفعول اللي تبيض وجـه كاسبهـا

جارح الكسر

هلابك يالرهين


شرفني مرورك


وصح بدنك


الحرالأشقر

سعد

يامرحبا فيك على محلك ومحل الجميع

صح السانك ولاهنت

قصيده طيبه من راس طيب

لك تحياتي

ارحب يالمسعودي

و صح لسانك على القصيدة الجزله

بيض الله

عشت يا سعد




وصح لسانك




قلت وابدعت




ابيات جزله من راس جزل





لاهنت ولاشنت


تحياتي

[align=center]سعد المسعودي

حياك الله بين اخوانك

وصــح لسانك..قصيده وافيه من وافي

لاهنت[/align]

أخوي سعد المسعودي

ارحب والله يحييك في شيخ المنتديات ويشرفنا وجودك

صح لسانك واعتلا شانك

رايعه ووافيه من وافي

لك فائق احترامي وتقديري

ياهلابك يابو نواف ..ملااااايين

وصح بدنك ولاعدمت حضورك ..



أحتراااامي

سعد


صح الله السانك ابيات جميله

وان شاء الله انك كذلك


::
كل التقدير