سولف فديتك

السلام عليكم

اتمنى ان تجد القبول


كلامـك غيـر سولفـلـي فديـتـك

مدام القلب واحساسي عطيتك



ابيك تقـول كـل اللـي فـي بالـك

وأنا مـن قلبـي الصـادق هويتـك



وصمتـك قاتـل القـلـب المعـنّـى

قتلنـي وان ذكرتـك مـا نسيـتـك



ألا تـعـلـم بـإنــك مـــن رمـانــي

وإنـــي مـــا أبـيـتـك وإن أبـيـتـك



وإن القـلـب بعـيـونـي أشـوفــك

مليـت العيـن وبقلـبـي حميـتـك



أشوفك في عيونـي كـل لحظـه

واجيك بشـوق قلبـي لا طريتـك



يسيـرنـي غـرامـك مــا نسيـتـه

ولا مــنــي تنـاسـيـتـه بـديـتــك



خذانـي يمـك الشـوق ودعانـي

وأكون اسعد بشر لا من لقيتـك



تبسّـم يـا هــوى بـالـي تبـسّـم

تـرى بسمتـك تكفينـي فديـتـك



دخيـلـك والخـجـل خـلـه يـولّــى

وسولـف والخجـل عـنـه نهيـتـك

تحياتي

مبارك مفرح العازمي

لاهنت اخي مبارك


تسلم على هذه الراقيه


صح لسانك وعلا شانك


تحيتي وتقديري

يا سلام يا سلام يا مبارك

ابدعت جعل لسانك ما يطرم

وصح الله قلبك النازف بهذه المشاعر الرائعة

تحياتي

اخوك

الشاعر مبارك العازمي



صح لسانك وعلاشانك




قصيدة رائعه



لك تقديري

"

اخوي مبارك

رائع كل ماكتبت

صح لسانك ودام حضورك


اطيب تحيه

"

مبارك

صح لسانك وصح قلبك

قصيده وافيه ومن راس وافي

لا عدمناك ولا عدمنا حضورك


مشهوووور....

يا سلام يا سلام يا مبارك

ابدعت جعل لسانك ما يطرم

وصح الله قلبك النازف بهذه المشاعر الرائعة

لاهنت / وصح الله لسانك