ملتقى الهيلا عتيبة لمزايين الإبل

أرحب يابو عمر


وصح الله لسانك وجمل الله حالك جمّلتنا في عتيبة ويستاهلون اللي قيل وأكثر



تحياتي لك

اررررررررررررررررحب يابوعمر تراحيب المطر




وصح لسانك تريليووووووووون × تريليووووووووون ولايكفوووووووووون



ويستاهلوووون عتيبه الهيلا المدح وكفوووووووووو وكل القبايل وافيه




قصيدتك جزله وانت جزل وسنافي وتستاهل السمن يكب على يمناك




تقبل تقديري واحترامي

أرحب يابو مبارك ملايين



صح الله بدنك وسلم رأسك يالذرب ولا عدمتك على هذا المرور العطر




تحياتي لك

الفاضلـ

/
/

شجاع عمر الأكلبي

/

صح السانكـ وسلم بنانكـ

معزوفه فاخره من شاعر راقي

تقديري لكـ

شوق

شجاع الأكلبي

والله وستين نعم بك وبلابتك

وعتيبة الهيلا مديحين ويستاهلون المدح

وبيض الله وجهك وصح لسااانك يا القرم

جزلة وأنت ما تجيب ألا الجزال

تقبل مروري وتقديري

أخوك

أرحب يابو عبدالله


ماعليك زود الله يحفظك


ووجهك أبيض وصح بدنك



لاهنت على مرورك وعذب إطرائك

ابو عمر


واااافي وراعي وااااجب
ولاهوب غريب عليك الوفا

وعند معاااازيب ينومسون ويستاهلون المدح والثناء


لاهنت ولاهان هذا الحضور

تقبل تحيتي

مشهوووور....

ماعليك زود يا أبا فارس



شكراً لك على عذب مرورك


لاهنت

أيها الأخوة الكرام

السلام عليكم ورحمة الله وبركاته وبعد


يطيب لي أن أضع بين أيديكم هذه المتواضعة علّها أن تحوز على رضاكم والذي شاركت بها في حفل الشيخ فيحان بن ناصر الشغّار العتيبي بمناسبة ملتقى الهيلا عتيبة لمزاين الإبل بعد أن وجه لي الدعوة بالحضور والمشاركة وكان في مقدمة الحضور جميع مشايخ قبيلة عتيبة وعلى رأسهم إبن حميد وإبن ربيعان وجمع هائل من المدعوين 0

[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=1 align=center use=sp num="0,#400000"]
أبدا بذكر الواحد الرحمن=اللي بيده العفو والغفران
اللي خلقنا من العدم وأوجدنا=مابين كاف ونون كلٍ كان
الكون كلّه كونه ويديره=سبحان ربي المعطي المنّان
جلا جلاله نطلبه يرحمنا=ويقودنا للخير والإحسان
ويغفر ذنوب السامعين وذنبي=بيومٍ عصيب يشيّب الولدان
يقوله اللي معترف بذنوبه=ومن غير ربي ما أطلب الدمحان
فسلام ياحفل القروم الندّر=اللي لهم في كل مجدٍ شان
حفل الدماسي جيت أنا عاني له=جيته ملبي داعية فيحان
فيحان أبو ناصر عريب المجنى=أبوه ناصر نادر الشيخان
ناصر ولد متعب عساه مخلّد=في عالي الفردوّس وسط جنان
اللي عرفته صدفةٍ مبروكه=ورجعت أنا بالمعرفه كسبان
جيته مربّع صوب حدبا قذلة=ولقيت شيخٍ نادرٍ وحصان
له مسنحٍ يفرق عن اللي غيره=يشهبك من بعد المدى صيوان
صيوان شيخٍ يحتسي للعليا=شيخٍ لفعل الكايدة شفقان
لا أقبل عليه الضيف فز ورحب=بوجهٍ بشوش مطلق الحجّان
ويبادره بالبن حيثه جاهز=حب اليمن في دلّة الرسلان
دايم دلاله بالجمر منحوره=مجهزة لمسيّر وضيفان
من بعدها طيبٍ قليل شكله=مايشري إلا غالي الأثمان
والطيب بعده كرمةٍ مصفوطه=مفطحات الحيل والخرفان
وإن كان للزاير لزومٍ سدّه=يجلا هموم اللافي الحزنان
بماله وجاهه يرتكي لهمومه=ولا يرجع إلا خاطره طربان
هذا قليلٍ من كثيرٍ باقي=يشهد به القاصي ويشهد دان
الله يكثر في القبايل شكله=اللي لربعه منسفٍ وسنان
عساه في الجنّة قصير محمد=جنّات عدنٍ زينت بأفنان
وفيحان وخوانه على منهاجه=مرس جود ولابةٍ شجعان
وأنا حضرت مسلّمٍ ومشارك=ومباركٍ لخواني العتبان
بمناسبة حفل المزاين عندكم=مزاين البل خيرة الذيدان
تستاهلون الزين ياكُسّابه=أنتوا هله من غابر الأزمان
أنتوهل البل من عصورٍ ماضية=أنتوا هل البل يوم كان وكان
وأفخر بدعوة مثلكم ياعتيبه=للروس دعوة مثلكم تيجان
ولانيب لابادع ولاب مضاهي=على الذي قلته معي برهان
الصدق نورٍ لعنبو من غطّه=من غط نورٍ فاله الخسران
فأنا حضرت اليوم حق وواجب=مجيب دعوة صاحبي فيحان
وأحمل تحايا لابتي من داني=أحمل تحايا الشب والشيبان
اللابة اللي فعلهم يطربني=أكلب هل الردّات في العدوان
شاعر وأمثل لابتي في الواجب=وأنا لهم في النايبات مدان
المرجلة همي وغاية شفّي=وللسمعة الطيبة أنا ولهان
والنعم مني للقبايل كلهم=كلٍ بفعله للخلايق بان
لكن أنا بالفعل ماساويهم=فيهم ضروس وقاطع ونيبان
والساس واحد بين حوّا وآدم=مثل السنون وساسها لحيان
والفرق بين الخلق في تقوى الله=والمرجلة والطيب من الإيمان
ولعل رأسٍ مايجيبه نخوة=بمقبسٍ في مقرن الحجّان
وختامها صلوا على سيدنا=اللي لفانا بخيرة الأديان[/poem]

ياسلام عليك يا بو عمر




وافى ربي يطول بعمرك




وابو ناصر يستاهل وخير من يمثل عتيبه





وانت قلت وطلت ولايستغرب عليك الابداع




لك عاطر الود

ابو عمر

شاعر مواقف

وحضور مشرف

ونعم بالمادح والممدوح

وبيض الله وجهك على هالقصيدة الجزله التي قيلت في من يستحقها والف نعم بعتيبه الهيلا

تقبل مروري

اخوك

أرحب يابو ماجد



ماعليك زود ووجهك أبيض ولا هنت على مرورك العطر



إشادتك أعتز بها



تحياتي لك

كلام من ذهب
:
صح السانك

راعي وفا يابوعمر وراعي مواجيب
صح لسسسسسسسسسسسسسسسسسسسسسسانك
والهيلا يستاهلون كل علم غانم
وانت راعيه

لاهنت
لاهنت

صح لسانك يا شجاع

ومليار نعم و عتيبه يستاهلون

تحياتي

خالد بن محمد

ابو عمر


واااافي وراعي وااااجب
ولاهوب غريب عليك الوفا

وعند معاااازيب ينومسون ويستاهلون المدح والثناء


لاهنت ولاهان هذا الحضور

تقبل تحيتي

مشهوووور....

أرحب يابو فارس



ماعليك زود يالوافي وشكراً لمرورك العطر



تحياتي

ابو عمر

شاعر مواقف

وحضور مشرف

ونعم بالمادح والممدوح

وبيض الله وجهك على هالقصيدة الجزله التي قيلت في من يستحقها والف نعم بعتيبه الهيلا

تقبل مروري

اخوك

أرحب يابو ماجد




صح بدنك ووجهك أبيض ولا عليك زود




لاهنت على كريم مرورك




تحياتي لك

ابو عمر


مرحبا ترحيب هل الطايف

مرحبا هيل عدد السيل

وصح لسانك انت كفؤ وتستاهل الدعوه من رجل كفؤ شرواك تحياتي

وتقديري ودمت بود