/// طـيـحنــي ///

كل عام والجميع بخير وسعادة

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]




بين بنطال طيحني وقَصة كدش وش نرتجيه = من شباب العرب من بعد ماطيحوا سوق الحريم
والأساور ومشيات العنج والذي باقي يليه= في غياب الرقيب الوعي موؤد في مرتع وخيم
إن سكتنا على ذا الوضع فالقادم اللي مانبيه = انتشاره سريع اسرع من النار تسري في الهشيم
استفيقوا فترك الحبل ممدود في كف السفيه = يجعله ياتمادى لين يحتار به عقل الحليم
كلنا في سفينه واحده والبحر زحمة وجيه = تحتري تبتلعنا امواجها في رضى الشر العميم
استفيقوا من السكره رحى الوقت تطحنا بتيه = لايفوت الأوان الوضع ما يحتمل كاس ونديم
لاتطيعوا الذي قلل من الظاهره لو كان فيه = خير ما ادلى برايه أو تفوه بمعناه السقيم
لااصبح الأمر فوضى هل نجد فارس نعول عليه = ينتشلنا من اوحال الرذيله ومرتعها الوخيم؟[/poem]

القصيدة لحنها على لون من التراث الجنوبي

اقول لك صح لسانك
طرق صعب شوي وانت اجدته
وانا لفت انتباهي تعقيبك
وفالحقيقه اني ما شفت القصيدة الا بعد تعقيبك
تقبل التحيه الجزله

أرحب ياعلي


قصيده وأفيه ولا عليها كلام

شي واقع ولكنه قليل إن شاء الله


والله يصلح الحال

والقصيده على لحن جنوبي لكنه صعب وقليل من يجديه من غير أهله

عموماً غنيتها على أحد ألحان الزامل أو مانسميه في بعض الاحيان المدقال

وضبط بشكل مميز


صح الله لسانك وحفظك

[align=center]الاخ/علي الحسني

قصيـده جـزله

وطـرقهـا معـروف واجـدتـه

والاهـم في القصيـده هـو مضمـونها الذي

يتحـدث عن مشكـله دخيـله على مجتمعنا

ليت هـؤلاء الذين تحـدثت عنهـم يزورون هـذا المتصفـح

ويعتبـرون مما قلت

بيض الله وجهـك

ولاهنت يالغالي[/align]