خــــرّيــــت

[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

شرفت عقب العصر في جال خرّيت = حسيبك الله ويش سويت من جال

شرعت صدري للحزن والتناهيت = من يوم شفت العد آثار واطلال

تذري عليه النود حشد وتفاليت = ماعاد به للبدو منزل ومدهال

شربت من حزنه ذحاح وترويت = من يوم شفته للحزن صار مخيال

عدى علي الحزن بن وتقهويت = يسوق فنجال على ساق فنجال

خرّيت ؛ يبقع مانزل جلهته بيت = الله ياخرّيت وش غيّر الحال

ينعا بدو قفا ضعنهم شفاليت = دارت عليه سنين ماجاه نزال

كم كان لك حضرة وكم كان لك صيت = كم جاك من قاطن وكم جاك رحال

أنا اعرف انك ماشكعت وتبريت = حتى يجازونك بهجران وأهمال

اعرف جوابك لو معي ما تحاكيت = بتقول عشقك للبدو مابعد زال

خرّيت حزنك فاض بي لين غنيت = كتبت بك شِعرّ يتورخ للأجيال [/poem]

صح لسانك يامحمد

الوقوف على الاطلال شي مؤثر في النفس

تحيتي لك

كم كان لك حضرة وكم كان لك صيت
كم جاك من قاطن وكم جاك رحـال
أنا اعرف انـك ماشكعـت وتبريـت
حتى يجازونـك بهجـران وأهمـال


ابو سالم


صفحه جميله من صفحات ابداع محمد السالم

لاهنت ولا هان هذا الحضور الراقي


مشهووور....

[align=center]محمد السالم

جميل جـدا هـذا النص

وجميلـه محاكـاة الاطـلال

والعـوده للمـاضي

صــح لسانك يامحمـد[/align]

ألا وين يقع خرّيت طال عمرك

القصيدة أكبر من أن أعلق عليها

صح لسانك حتى ترضى

تحاياي

صح لسااااانك يا محمد


اي والله اني صااااااااادق


تحياتي

الأخ الكريم سعود الدهيمي


شرفتني بالزيارة ياطويل العمر