خـَـلـْـط

[align=center].
خـَـلـْـط
و الجوّ مدري : حَرّ..؟ بَرْدِ..؟ اشْـتعال
................. بين أنفاس صدري شَيّ ماله مثيل

من تشهّـقت ذكرك و الهِبايب دِلال
................. فاحت أجواء حبّـك فيني بالزنجبيل

و ان زفـَـرْتِك زفيري أحسبه عن جبال
................. لَنّ كل ما يلوّح بـ ابْـتعادك ثقيل

،
ويش اسمّيه حسي :
.
إعتدال
اخـْـتـلال
إنحنـاء المُـحارب
إنــكســار النـّـخيــل
،

كنت من قبل اشوفك أحتوي ألف جال
................. شامخٍ كـ المناره للمراكب دليل

و انت خليتني أغرق في قطرة جَمَال
................. كيف لو من محاديرك تِوَلاني سيل؟

يا دليلي في وِجْهَةْ رحلتي للخيال
................. حطّ يدّك في يدّي و اطلب المُـستحيل

ما بكابر و لكن ضمّني بالشمال
................. فيك بالصدر ديرة تأوي ابن السبيل

جيت حضنك غريبٍ بَـعْـثـَرتـْهِ الليال
................. و انت موطن نهاره عقب ليلٍ طويل

خلّـني أغرق فـْ ملحك يـَ حلمي و انال
................. من محادير قاعك لاحتوائي حصيل

و الله اني لقربك يا فريد الخصال
................. أجودي .. في أحاسيسه لغيرك : بخيل

ما سلب فكري عنك الا ذاك السؤال : -
................. " كيف حالتـْـك تصبح لو يغيب الخليل " ؟

بين حال ارتوائي و الظما بـ الوصال
................. تبقى غيبتك : صحرا وْ طلـّـتك : سلسبيل



تمـّـت
خالد بن محمد[/align]

ما بكابر و لكن ضمّني بالشمال
................. فيك بالصدر ديرة تأوي ابن السبيل

جيت حضنك غريبٍ بَـعْـثـَرتـْهِ الليال
................. و انت موطن نهاره عقب ليلٍ طويل


الله الله الله

خالد


صح لسانك وصح قلبك

وكل عام وانت بخير


قصيده وافيه ومن راس وافي

لا عدمناك ولا عدمنا هذا الحضور الباذخ


مشهوووور.....

[align=center]ارررررررررررررررررررررحب ياخالد

صح الله لسانك وكل عام وانت بخير[/align]

اخوي واستاذي القدير

شايع العيافي

صح بدنك يالغالي وكل عام و انت بخير

وجودك بمتصفحي فخر كبير بالنسبة لي

لا عدمتك

اخوك

خالد بن محمد

خالد

صح لسانك يالشاعر

اجدت كثيرا في رسم هذه اللوحه الجميله

دمت بكل الخير والعافيه


اختك

صح بدنك يا سعيد

وتسلملي على حضورك و كل عام وانت بصحه وسلامه

اخوك

خالد بن محمد

صح لسانك ياخالد


جزل وذرب


تحياتي لك

[align=center]الشـاعـر خـالـد المجـازف

قصيـده لهـا طعـم خـاص

الف صــح لسـانك

لك جـل التحـايا[/align]

اختي الشاعره الترفة

صح بدنج وتسلمين على حضورج اللي شرفني و نور متصفحي

لا عدمناج

خالد بن محمد