[poem=font="Simplified Arabic,5,#0E12A9,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
صباح الخير ياللي صلاة الصبح مبداه=وقبل إشراق نور الصباح اشرق جبينه
جلس من عقب صلى يسبّح في مصلاه=يشع النور وجهه وتغشاه السكينه
لقيته تنظم الذكر والتسبيح يمناه=مثل نظم الجواهر عسى تسلم يمينه
نظمها في يمينه وجمّعها بيسراه=وتبسّم بعد حاز الكنوز براحتينه
أشوفه مبتسم والرضى كاسي محيّاه=أشوفه مير ماشافني قدام عينه
يذكرني بشيٍ من الماضي فقدناه=يذكرني بدربٍ قديم مضيّعينه
بدربٍ يذكرونه لنا مدري مشيناه=لوإنا قد مشيناه كنا خابرينه
يذكرني بشخصٍ بهالدنيا عرفناه=سمعنابه ولاادري لو إنا شايفينه
بغيت اسأله واقول حنا وين شفناه=وخفت اشغله عن كل ماتملك يدينه
وجلست املا عيوني بنوره واتحراه=واردد بيت شعرٍ تبادر لي بحينه
صباح الخير ياللي حفظ دينه ودنياه=حفظ دنياه من يوم سخرها لدينه[/poem]
صباح الخير ياللي صلاة الصبح مبداه=وقبل إشراق نور الصباح اشرق جبينه
جلس من عقب صلى يسبّح في مصلاه=يشع النور وجهه وتغشاه السكينه
لقيته تنظم الذكر والتسبيح يمناه=مثل نظم الجواهر عسى تسلم يمينه
نظمها في يمينه وجمّعها بيسراه=وتبسّم بعد حاز الكنوز براحتينه
أشوفه مبتسم والرضى كاسي محيّاه=أشوفه مير ماشافني قدام عينه
يذكرني بشيٍ من الماضي فقدناه=يذكرني بدربٍ قديم مضيّعينه
بدربٍ يذكرونه لنا مدري مشيناه=لوإنا قد مشيناه كنا خابرينه
يذكرني بشخصٍ بهالدنيا عرفناه=سمعنابه ولاادري لو إنا شايفينه
بغيت اسأله واقول حنا وين شفناه=وخفت اشغله عن كل ماتملك يدينه
وجلست املا عيوني بنوره واتحراه=واردد بيت شعرٍ تبادر لي بحينه
صباح الخير ياللي حفظ دينه ودنياه=حفظ دنياه من يوم سخرها لدينه[/poem]
تعليق