للتواصل
.
الفجوج وساع والمسلم على الله اعتماده
ــــــــــــ لاتقول الحظ متردي وتاخذها ذريعه
لاتخاوي قلّة الحيله وتامن للرباده
ــــــــــــ السريعه لوصلت ليدينك تروّح سريعه
الضعيف يموت مايبلغ على الدنيا مراده
ــــــــــــ بين أحلامه وبينه هجر وفراق وقطيعه
والكسل ومدوّر الهيّن وكبّار الوساده
ــــــــــــ والبرود و الاتكاليه والاستسلام ضيعه
شاطر اللي يقهر ظروفه بجدّه واجتهاده
ــــــــــــ نظرته فوق وعلى فوق المقامات الرفيعه
الصبر جيشه وقوة باسه وعقله عتاده
ــــــــــــ وجند فقدان الأمل والياس من عزمه صريعه
أحمد اللي ماأوطّي راسي الاّ له عباده
ـــــــــــــ أسجد لوجهه واكبّر لا تأملّت الطبيعه
لا اله الاّ العزيز الحي أشهدها شهاده
ـــــــــــــ في يدينه ملكوت الكون وأنحاه الوسيعه
أمتلك لمواجه أهوال الزمن قوّه واراده
ـــــــــــــ وأتحمّل لو محمّل فوق ما لا أستطيعه
كل حملٍ مايسمّى حمل ومتوني شداده
ـــــــــــــ دام نفسي كل ما ازهمها تلبّي لي مطيعه
والنّبا أبيض والفضل لله ماشابه سواده
ــــــــــــــ وفي علوم الطيب ل أسما قوم واسمي في الطليعه
وصدري جوّ بطوله وعرضه وأرضه وامتداده
ــــــــــــــ ودون مايزعلْه سور وسد وحصونٍ منيعه
مااستشير الاّ حدٍ ماقد شكا كبوة جواده
ــــــــــــــ ولا أرد الشور للمصدوع ولاّ للصديعه
ماشكيت الوقت وظروفه وقسوته وعناده
ــــــــــــــ لو كبر حجم المصاب وزاد من هول الفجيعه
عادتي في الحق لارحمه ولا عندي هواده
ــــــــــــــ والوضيع اللي يجنّب عن حقوقه والوضيعه
وف الحميّا عقّب الراكد وحلْمه والركاده
ــــــــــــــ وعقّب اللي ماتجي فعلتْه في خصمه شنيعه
ماني ب مطفوق وسنافي ولا حبّ القراده
ـــــــــــــــ بس عمري أرخصه من دون غرّامي وأبيعه
مااحب النّم في المقفي ولا الحكْي الزيّاده
ــــــــــــــ ولا تعامل بالحيل والغش ولاّ بالخديعه
ولا أخاوي غير طيرٍ يعجب عيوني هداده
ـــــــــــــــ صلف ومردّد .. ومهما صار سرّي مايذيعه
والحرام سلاحه الفتّاك ماالعب في زناده
ــــــــــــــــ وأتجنّب مايعارض دين وسلوم وشريعه
والفروض الخمس .. زرع أجني بعد موتي حصاده
ـــــــــــــــ وماانزل الله في كتابه راحة القلب وربيعه
والتواصل ساس لجسور المحبه والسعاده
ـــــــــــــــوالوصل داخل سويدا القلب من ربّي وديعه
والفجوج وساع والمسلم على الله اعتماده
ــــــــــــــــ لايقول الحظ متردّي وياخذها ذريعه
لايخاوي قلّة الحيله ويامن للرياده
ـــــــــــــــ السريعه لوصلت ليدينه تروّح سريعه.
وسلامتكم وتعيشون
.
الفجوج وساع والمسلم على الله اعتماده
ــــــــــــ لاتقول الحظ متردي وتاخذها ذريعه
لاتخاوي قلّة الحيله وتامن للرباده
ــــــــــــ السريعه لوصلت ليدينك تروّح سريعه
الضعيف يموت مايبلغ على الدنيا مراده
ــــــــــــ بين أحلامه وبينه هجر وفراق وقطيعه
والكسل ومدوّر الهيّن وكبّار الوساده
ــــــــــــ والبرود و الاتكاليه والاستسلام ضيعه
شاطر اللي يقهر ظروفه بجدّه واجتهاده
ــــــــــــ نظرته فوق وعلى فوق المقامات الرفيعه
الصبر جيشه وقوة باسه وعقله عتاده
ــــــــــــ وجند فقدان الأمل والياس من عزمه صريعه
أحمد اللي ماأوطّي راسي الاّ له عباده
ـــــــــــــ أسجد لوجهه واكبّر لا تأملّت الطبيعه
لا اله الاّ العزيز الحي أشهدها شهاده
ـــــــــــــ في يدينه ملكوت الكون وأنحاه الوسيعه
أمتلك لمواجه أهوال الزمن قوّه واراده
ـــــــــــــ وأتحمّل لو محمّل فوق ما لا أستطيعه
كل حملٍ مايسمّى حمل ومتوني شداده
ـــــــــــــ دام نفسي كل ما ازهمها تلبّي لي مطيعه
والنّبا أبيض والفضل لله ماشابه سواده
ــــــــــــــ وفي علوم الطيب ل أسما قوم واسمي في الطليعه
وصدري جوّ بطوله وعرضه وأرضه وامتداده
ــــــــــــــ ودون مايزعلْه سور وسد وحصونٍ منيعه
مااستشير الاّ حدٍ ماقد شكا كبوة جواده
ــــــــــــــ ولا أرد الشور للمصدوع ولاّ للصديعه
ماشكيت الوقت وظروفه وقسوته وعناده
ــــــــــــــ لو كبر حجم المصاب وزاد من هول الفجيعه
عادتي في الحق لارحمه ولا عندي هواده
ــــــــــــــ والوضيع اللي يجنّب عن حقوقه والوضيعه
وف الحميّا عقّب الراكد وحلْمه والركاده
ــــــــــــــ وعقّب اللي ماتجي فعلتْه في خصمه شنيعه
ماني ب مطفوق وسنافي ولا حبّ القراده
ـــــــــــــــ بس عمري أرخصه من دون غرّامي وأبيعه
مااحب النّم في المقفي ولا الحكْي الزيّاده
ــــــــــــــ ولا تعامل بالحيل والغش ولاّ بالخديعه
ولا أخاوي غير طيرٍ يعجب عيوني هداده
ـــــــــــــــ صلف ومردّد .. ومهما صار سرّي مايذيعه
والحرام سلاحه الفتّاك ماالعب في زناده
ــــــــــــــــ وأتجنّب مايعارض دين وسلوم وشريعه
والفروض الخمس .. زرع أجني بعد موتي حصاده
ـــــــــــــــ وماانزل الله في كتابه راحة القلب وربيعه
والتواصل ساس لجسور المحبه والسعاده
ـــــــــــــــوالوصل داخل سويدا القلب من ربّي وديعه
والفجوج وساع والمسلم على الله اعتماده
ــــــــــــــــ لايقول الحظ متردّي وياخذها ذريعه
لايخاوي قلّة الحيله ويامن للرياده
ـــــــــــــــ السريعه لوصلت ليدينه تروّح سريعه.
وسلامتكم وتعيشون
تعليق