السلام عليكم ورحمة الله وبركاته
شــهركم مبارك
أحد الأخوان في جلسة بريه, يبهر الدلة ويتمثل بالأبيات اللي تقول:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]شــهركم مبارك
أحد الأخوان في جلسة بريه, يبهر الدلة ويتمثل بالأبيات اللي تقول:
عند الهذيلي دلةٍ عجرفيّه=فنجالها يسوى ثلاثين فنجال
واللي مكذبني يسيّر عليه=مادام راسي حي ماغطّه الجال[/poem]
فكانت ( العجرفية ) سبب هذه القصيدة
[poem=font="Simplified Arabic,5,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
جزنا عن الكيف ياراعي المعاميل=ويش عاد لو جبت لك نجرٍ ومحماس
والدله اللي تبهرها من الهيل=والحمس بقياس والتبهير بقياس
لوإنها العجرفيه دلة هذيل=اللي شذاها يعطر كل الأنفاس
وحافظ مقاديرها بالوزن والكيل=ومجمّع بهارها من خمسة اجناس
والنار جمر الحطب والما من السيل=لاأقول ماكل كيفٍ يقعد الراس
أنا شربت الكثير من الفناجيل=ولازلت اعاني صلف بالراس وعماس
اشكي وغيري كثير من الرجاجيل=ناسٍ تعاني وانا واحد من الناس
نذكر زمانٍ وصلنا الجدي وسهيل=وجبنا نجوم المجره در والماس
نتوارث المجد جيلٍ من بعد جيل=واليوم شفناه بالأقدام ينداس
ياما بكينا وغرقنا المناديل=وخيّم علينا السكوت وخيّم الياس
مانرفع اصواتنا إلا بالمواويل=نظهر فرحنا ونخفي صدق الإحساس
جرحٍ بصدر الزمان يسيل ويسيل=وقلوب تنزف قهر وكبود يبّاس
ماعاد للكيف ذوق ولا التعاليل=واخواننا يشربون المر في الكاس
الكيف والله لوإنا نعدل الميل=ونرد كل الحقوق بقوة الباس
نتبع دروب السلف ونصلي الليل=ونصبح نعِد السيوف وقب الأفراس
ونحرر القدس والجولان ونزيل=عن وجه بغداد ماصابه من اتعاس
لابد من يوم نركب ضمّر الخيل=ونطهر الأرض من تدنيس الأنجاس
وليا إنتصرنا تطيب لنا التعاليل=والدلة العجرفية تقعد الراس[/poem]
تعليق