Tweet
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
شت يور ماوث عسى ماوثك للعله= بيكوز عندي كلام لا زم آقوله
خل الحكى عنك ياراعي الحكى خله= دام القصايد على الشاشات منقوله
هرجك مثل وجهك وكثره مثل قله= وكبود الاجواد من شرواك مدبوله
اشغلت نفسك بشي ما نت كفوله= والناس في سالفة ممدوح مشغوله
نوخ ذلولك قبل تضوي لك بفله= وارتاح لاشفت غيرك يسرج خيوله
وان كنت ترضى الهوان وتقبل الزله= زلتك ترجع على لحيتك مدبوله
والماقف اللي حصل قبل امس في حله= ايشرف ربوعنا ويشرف الدوله
حنا هل الدين والتوحيد والمله= قادات حرب ضروس تقرع طبوله
في ضل عبدالله الله يبطي بظله= الحاكم العادل اللي بانت فعوله
لو قلت لطلق شنب بالله مثل له = بيقول لك ماحد مثله ولا حوله
لا بله اخطيت في ماقلت لا بله= سويت لك حجة ماهي بمقبوله
القدس محتله وبغداد محتله= وانت تكلم كلام ضاع مفعوله
لو كل شاعر يعقد الحبل ويحله= شفت القضايا من اول يوم محلوله
ماكل من مسك حلق بلير بيتله= ولا كل من قال قول يقدر يطوله
بعض العرب لو جلس في بيته احسله= ماله ومال القصيد الذرب وفحوله
لكن كثير البشر له نهج وجبله= عقول متفتحه وعقول مسطوله
ماجيت لجل الونس والبسط والفله= ومسامر الجادل اللي يسحب هموله
جينا نرز العلم ونطوق الحله= واشنابنا بالفخر والعز مفتوله
الجاهل نعلمه والغاوي ندله=لا ضاع رايه وتفكيره ومدلوله
عشرة رجاجيل كل عضمه يقله= وانا في اولهم وشلفاي مسلوله
طلاق من راس شفيا ماعرف الذله= الذل ماهو بلي معروف منهوله
آرد على الموت واصدر منه وآعله= وآخوض بحر المخاطر عرضه وطوله
واقلط على العود والمفرود والدله= يوم انت تقلط على حمص وتبوله
ماني بمن راس ابن شفلوت عبدالله= اما جعلت العقول تصير مذهوله
لي لابة ترتكي للحمل وتشله = ساس العرب من قديم الوقت وزحوله
صبيان قحطان مدهال الفخر كله= قوم على الطيب والفزعات مجبوله
تزعموا نجد يوم الحرب منهله= قبل الموحد يجول بنجد ويصوله
واليوم كل من الثاني برد غله= من يوم جا طاري معزي ومرسوله
والفوز والرزق والتوفيق بيد الله= كل وحظه ومجهوده ومحصوله
والله لونها بضرب السيف والسله= لا فوز بالجايزه وآفوز بالجوله[/poem]
سعد بن شفلوت
شت يور ماوث عسى ماوثك للعله= بيكوز عندي كلام لا زم آقوله
خل الحكى عنك ياراعي الحكى خله= دام القصايد على الشاشات منقوله
هرجك مثل وجهك وكثره مثل قله= وكبود الاجواد من شرواك مدبوله
اشغلت نفسك بشي ما نت كفوله= والناس في سالفة ممدوح مشغوله
نوخ ذلولك قبل تضوي لك بفله= وارتاح لاشفت غيرك يسرج خيوله
وان كنت ترضى الهوان وتقبل الزله= زلتك ترجع على لحيتك مدبوله
والماقف اللي حصل قبل امس في حله= ايشرف ربوعنا ويشرف الدوله
حنا هل الدين والتوحيد والمله= قادات حرب ضروس تقرع طبوله
في ضل عبدالله الله يبطي بظله= الحاكم العادل اللي بانت فعوله
لو قلت لطلق شنب بالله مثل له = بيقول لك ماحد مثله ولا حوله
لا بله اخطيت في ماقلت لا بله= سويت لك حجة ماهي بمقبوله
القدس محتله وبغداد محتله= وانت تكلم كلام ضاع مفعوله
لو كل شاعر يعقد الحبل ويحله= شفت القضايا من اول يوم محلوله
ماكل من مسك حلق بلير بيتله= ولا كل من قال قول يقدر يطوله
بعض العرب لو جلس في بيته احسله= ماله ومال القصيد الذرب وفحوله
لكن كثير البشر له نهج وجبله= عقول متفتحه وعقول مسطوله
ماجيت لجل الونس والبسط والفله= ومسامر الجادل اللي يسحب هموله
جينا نرز العلم ونطوق الحله= واشنابنا بالفخر والعز مفتوله
الجاهل نعلمه والغاوي ندله=لا ضاع رايه وتفكيره ومدلوله
عشرة رجاجيل كل عضمه يقله= وانا في اولهم وشلفاي مسلوله
طلاق من راس شفيا ماعرف الذله= الذل ماهو بلي معروف منهوله
آرد على الموت واصدر منه وآعله= وآخوض بحر المخاطر عرضه وطوله
واقلط على العود والمفرود والدله= يوم انت تقلط على حمص وتبوله
ماني بمن راس ابن شفلوت عبدالله= اما جعلت العقول تصير مذهوله
لي لابة ترتكي للحمل وتشله = ساس العرب من قديم الوقت وزحوله
صبيان قحطان مدهال الفخر كله= قوم على الطيب والفزعات مجبوله
تزعموا نجد يوم الحرب منهله= قبل الموحد يجول بنجد ويصوله
واليوم كل من الثاني برد غله= من يوم جا طاري معزي ومرسوله
والفوز والرزق والتوفيق بيد الله= كل وحظه ومجهوده ومحصوله
والله لونها بضرب السيف والسله= لا فوز بالجايزه وآفوز بالجوله[/poem]
سعد بن شفلوت
تعليق