Tweet
[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
لا عاد تنشدني عن الحال يا سعود = الصدر ضايق والسبب ما تحدّد
أحيان أدرّجها مع هبّة النود = وأحيان ألدّدها وهي ما تلـدّد
ولاني بْغايب ولاني بموجود = وأطلق شنب مفتول مدري محدّد
همّي يزود وهمّـتي ماهي تزود = الموت من جرحً قديمٍ تجدّد
مرّات كنـّي حاكم البيض والسود = ومرّات كنـّي من دياري مشدّد
ومرّات كنـّي باذلٍ كلّ مجهود = ومرّات لاوالله مجـازٍ ومدّد !
تلعب بي همومي مصافيق وركود = راكـد يثبـّـتها ومصفوق سدّد
تكسّرت عودين واللي بقى عود = والعود من هوج العواتي مهدّد
غنّى له الراعي وغنّى له الذود = ويا ما أطْولك ياليل غنّى وردّد
الحلم يكبر لكن الدخل مَحدود = وهذي مصيبه للعريـب المردّد
تـْلَـحّقه عذله وشرهه ومنقود = ولو ماتصدّد قالو إنّه تصدّد
وتهمّشه لو كان هو ينطح الكود = ماكَنـْه قد سكّن حروفٍ وشدّد
سدّد وقارَب لكن الحظ مفقود = ولا أستوت له يوم قارب وسدّد
ماله عزا الاّ قولـة الصبر محمود = يمكن همومه بعد صبره تبدّد
متأمّلٍ باللي له عبـاده سجود = مهما الزمان الصلف هدّد وندّد
وأنا بفضل المعتلي ماعليّ زود = ماني على قصور الشيوخ آتردّد!
حتى ولو حيد الجبل تِـنجب حيود = بآمـوت جوع وللبشـر ما آتودّد
ماهو بأنا اللي بالعطيـّات موعود = اللي خثـر دمّه وعرقه تسدّد
سلكٍ ليا مِنْه أنكمش ماحصل فود = ويصبح عديم الفايده لو تمدّد!
بطن وظهر وكتوف وجنوب ولغود = لاهـو بكميـّه ولاهـو معـدّد
مرّه يدوّر له قنـاديل وورود = ومرّه يجي جوعان يبغى المقدّد
ياتي بـدون قيود ويروح بقيـود = له عقد أجار ليا أنتهى العام جدّد
قلته ولي مغـزى وغايه ومقصود = واللي بقـت من كثـرها ماتعدّد
الله عطاني كبد ما أعطاني كبود = ما أقلط على الفضْله وقدرٍ مكدّد
أمّا لسـانٍ طلْـق وحجاج مشدود = والاّ بـلاش وكلّ دينٍ مسدّد![/poem]
لا عاد تنشدني عن الحال يا سعود = الصدر ضايق والسبب ما تحدّد
أحيان أدرّجها مع هبّة النود = وأحيان ألدّدها وهي ما تلـدّد
ولاني بْغايب ولاني بموجود = وأطلق شنب مفتول مدري محدّد
همّي يزود وهمّـتي ماهي تزود = الموت من جرحً قديمٍ تجدّد
مرّات كنـّي حاكم البيض والسود = ومرّات كنـّي من دياري مشدّد
ومرّات كنـّي باذلٍ كلّ مجهود = ومرّات لاوالله مجـازٍ ومدّد !
تلعب بي همومي مصافيق وركود = راكـد يثبـّـتها ومصفوق سدّد
تكسّرت عودين واللي بقى عود = والعود من هوج العواتي مهدّد
غنّى له الراعي وغنّى له الذود = ويا ما أطْولك ياليل غنّى وردّد
الحلم يكبر لكن الدخل مَحدود = وهذي مصيبه للعريـب المردّد
تـْلَـحّقه عذله وشرهه ومنقود = ولو ماتصدّد قالو إنّه تصدّد
وتهمّشه لو كان هو ينطح الكود = ماكَنـْه قد سكّن حروفٍ وشدّد
سدّد وقارَب لكن الحظ مفقود = ولا أستوت له يوم قارب وسدّد
ماله عزا الاّ قولـة الصبر محمود = يمكن همومه بعد صبره تبدّد
متأمّلٍ باللي له عبـاده سجود = مهما الزمان الصلف هدّد وندّد
وأنا بفضل المعتلي ماعليّ زود = ماني على قصور الشيوخ آتردّد!
حتى ولو حيد الجبل تِـنجب حيود = بآمـوت جوع وللبشـر ما آتودّد
ماهو بأنا اللي بالعطيـّات موعود = اللي خثـر دمّه وعرقه تسدّد
سلكٍ ليا مِنْه أنكمش ماحصل فود = ويصبح عديم الفايده لو تمدّد!
بطن وظهر وكتوف وجنوب ولغود = لاهـو بكميـّه ولاهـو معـدّد
مرّه يدوّر له قنـاديل وورود = ومرّه يجي جوعان يبغى المقدّد
ياتي بـدون قيود ويروح بقيـود = له عقد أجار ليا أنتهى العام جدّد
قلته ولي مغـزى وغايه ومقصود = واللي بقـت من كثـرها ماتعدّد
الله عطاني كبد ما أعطاني كبود = ما أقلط على الفضْله وقدرٍ مكدّد
أمّا لسـانٍ طلْـق وحجاج مشدود = والاّ بـلاش وكلّ دينٍ مسدّد![/poem]
تعليق