الـهـواوي.. وشاعر المليون

صباااااااااح الخير


قصيده شاركت بها في برنامج شاعر المليون

ولكن عضو اللجنه .. حمد السعيد

كان له رأي اخر من حيث الوزن لوجود خلل بها حسب قوله

علماً بأنها مجازه من الشاعر الكبير ابوي .. مطلق بن ناصر الطايعي

ونخبه من الشعراء

اضع النص بين يديكم

ولكم الرأي

..

..

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياحبيبي يوم كلٍ عطاه الله حبيب=لو متكبر ومغرور ما منك غناه
ودي املى من عيونك عيوني من قريب=كل مااشوفك معي قلت ياحي الحياه
والله ان اجيك واهدلك هدات ذيب=كل ماغاب القمر كل ماظلّم سماه
لاتحسب الجرح حسب اعتقادك مايطيب=كل جرحٍ من جروح الهوى حصل دواه
وانت ماقصرت شيبت بي قبل المشيب=والهواوي محد يقدر يعذله من هواه
لك عيونا كنها سهوم واسهومك تصيب=واشهد ان المبتلي فيك زاد الله بلاه
لواباوصف سوالفك سكر في حليب=من عطاه الله منك صحيح الله عطاه
انت ساعاتٍ صحيب وساعاتٍ حريب=وانت من يامر وينهي واطيعه ماعصاه
ياعسى الله يرحم الحال ويقود النصيب=العرب من صاح مقهورقالوا وشبلاه
طرجيبي من غيابك وتكفى لاتغيب=لايمي لا قلت ياطر جيبي لعنباه
كيف ابصبر منك والجرح من حبك عطيب=لو قلبي من حديد وكبدي من حصاه
كلبوي اجروح وانت المطوع والطبيب=وكل يوم اقبل على الموت واكتب لي وصاه
كل ما اضيعك كني مضيع لي ذهيب=وانت فرضٍ في خيالي من فروض الصلاه
وانت كلك من اقدامك اليا راسك غريب=الجمال اخذت ملحه ومزته وحلاه
اتعجب يا عجب يا عجايب يا عجيب=كيف سويت بحبيبٍ يحبك ذالسواه[/poem]

وسلامتكم ...،

اخوي ناصر



القصيده طيبه وصح لساااااانك ولو انها ماهي من القصايد اللي يشارك فيها في المهرجانات الكبيره مثل شاعر المليون




انت طال عمرك قلت
كل ما اضيعك كني مضيـع لـي ذهيـب
وانت فرضٍ في خيالي من فروض الصلاه


وانا والله يعلم انها من باب النصيحه ومن باب ان كل منا مكمل للثاني وكل واحد يعلم رفيقه ويوجهه من باب المحبه


اشوف انك لو قلت
كل ما اضيعك كني مضيـع لـي ذهيـب
وانت فرضٍ في خيالي مثل فرض الصلاه


يكون احسن على شان ماتخلي لاحد مدخل

واعتقد ان الكسر اللي يقوله حمد السعيد في هالبيت واللي انا اشوفه ثقل ماهو كسر
وانت كلك من اقدامك اليا راسـك غريـب
الجمـال اخـذت ملحـه ومزتـه وحـلاه


الشطر الاول


القصيده مافيها الا هالملاحظه والباقي ابدعت فيه وانا اخوك وخيرها في غيرها واذا ماجازها واحد مليون يجيزونها



صح لسانك مليون ولاهنت على هالمشاركه والله يوفقك.................................

ناصر الهاجري 0
انا اقول جزله واجيزها , مهما كان راي حمد السعيد فيها 0
العود مايقول الا الجزل 0
لك تقديري 0

ناصر

صح لسانك يابو مطلق
القصيده زافيه ولا فيها كلام

وحمد السعيد ربما سمع شئ غلط ولا ماهوب ظالم حظه ابد

تبقى يابو مطلق في العين الجميله بجميع اشكل حضورك

سلم على ابو ناصر وعلى نفسك


مشهوووور...

ناصر

صح السانك ولاهنت

حسب قرائتي لها ما اشوف فيها شي


لك تحياتي

محمد الحويله ..

شاكر لك ردك ..،

ولدي تعقيب ...

اولا .. بخصوص قوة القصيده من عدمها والمشاركه بها هذا رأيك الشخصي
وانا احترمه

ثانياً .. اشكرك على النصيحه في البيت ((وانت فرضٍ في خيالي من فروض الصلاه))
ولكن هذا تشبيه .. ومن وجهة نظري مافيها شي لاني قلت في خيالي ولم اجزم بانها فرض
((في شعراء شبهوا الحبيبه بسورة الفاتحه في الصلاه))

ثالثا ..
البيت اللي تقول فيه ثقل وتعتقد انه كسر ..
حبيت اقول لك صح لسانك اذا انت لست بشاعر
ولكن ان كنت شاعر راح اقولك جانبك الصواب في ذلك

هذا الشطر موزون ميه ب الميه وبشهاده من فحول الشعر
ولا فيه مجال للثقل ولو جزء بالميه

(( وللتوضيح اكثر راسلني على الخاص لاقناعك ))

على العموم مشكور للرد ..

هلا وغلا

انت شاعر وابن شاعر ويكفيك ان ابوك اجازك

والسعيد يمر عليه فاليوم الفين شاعر وش تبيه يسوي لازم يصرّف نصفهم...

اررررررررررررحب يابومطلق



وصح لسانك ملايييييييييييييييين



وانت مجاز في المرجله والعلوم الغانمه انت وابوك واللي انت منهم ولايهون الحاضر



والقصيده طيبه ووافيه


وحمد السعيد يجوز انه فسر بعض الكلمات بلهجه اخرى لأن اللهجات تختلف مثل اهل الشمال لهجتهم تختلف من اهل الجنوب


وراي حمد السعيد راي شخصي له ولايعمم به جميع الاذواق


على العموم صح لسانك يابومطلق


وحبلي خشم الشايب عساك سالم وياه والحاضرين

المنصوري

شاكرلك ردك


ولاهنت......،

اررررررررحب ياناصر


صح لسانك


قصيده جززززله مافيها كلام ومجازه


سلمت ولاهنت


تحياتي

صح بدنك يبو فارس

ولاهنت على الرد


والله يسلمك من الشر

الاخ الغالي
ناصر الهاجري
صح الله لسانك مليووووووووون
وانا اقول القصيدة وافيه من راس وافي وما فيها شي يعيبها
تحياتي

اررررررررحب ياناصر


صح لسانك


قصيده جززززله مافيها كلام ومجازه


سلمت ولاهنت


تحياتي

صح بدنك

يا حسن

وشاكرلك

مرورك


ابيض وجه

السلام عليكم

صح لسانك اخوي ناصر على القصيده الطيبه

ولكن انا رايي من راي اخوي محمد الحويله

وانت طلبت راينا ولم تطلب مجاملتنا لك اعتقد ان القصيده فيها بعض الكسور ويلاحظ الكسر في البيت الاول وايضا البيت الذي اشار اليه اخوي محمد الحويله

هذا رايي واذا يزعلك اعتبرني ماقلته والوجه للوجه ابيض

تقبل تحياتي

اخوك غازي البراق