Tweet
شــــــمــــــعــــــدان !
[poem=font="Simplified Arabic,5,chocolate,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يا صاحبي لملم اشيأك وخنا نقوم = بنغير الجو ذا ؛ ان ماتركنا المكان
علوم بعض الاماكن والله انها علوم = يضيع فيها مداك وتفتقد لتّزان
تُحاول إنك تفلت من قديم الهموم = لكن بعض الاماكن غارة يا فلان
كُل الاماكن بكوم ؛ وذا مكانٍ بكوم = هذا علومه علومٍ يالله المُستعان
اثر الحزن لو تباطا ؛ عاد وثره يدوم ! = وأنا احسب اني نسيت السالفة من زمان
من بارحتنا خيالي فيه ذكرىٍ تحوم = اسرارها موجعة ونفاسها احتقان
تشط بي ذاكرة ماهي تعرف السلوم = تصب لي كاسها وتقول اشرب كمان
آحيه من شوحها كنها عمود السموم = كنها تأشر عليّ بعيونها والبنان
رعديد منها خفوقي فاقد للعزوم = اقول له اصطلب ؛ ويقول ياخي جبان
يا صاحبي ايش ننطر ياعشير القروم = ارجوك تنهض تراني مخطر بالجنان
لا تقول مثل المثل " تضيق عند الرخوم " = ياخوي راعي المثل ذا ؛ عايش في امان
ماتشوفني يا خويي ضايق بالهدوم ؟ = هدوم ستري فتيلة ؛ والجسد شمعدان ![/poem]
[/align]
تعليق