.. ريـــمــيـــّـــه .. إهـــــداء لـلــجــمــيــع ...

مـسـّـّاكـم الله بـالـخـيـر ..





البارحة ترعى الخواطر مقاطيف

ه ه ه ه ه ه ه ه ه ه ه ه ه ه ه اُوحي وكنّي غايب العقل ما اوحي


أحيان يقدح في خيال الفكر طيف

ه ه ه ه ه ه ه ه ه ه ه ه ه ه ه واحيان يطفي وانزوي في سفوحي


وولّى هجوسٍ للهواوي مطاريف

ه ه ه ه ه ه ه ه ه ه ه ه ه ه ه لـ شرهبن ضاقت عليه الفـسوحي


عودٍ تفرهد للظما تالي الصيف

ه ه ه ه ه ه ه ه ه ه ه ه ه ه ه ينوح وأصوات الهبايب تــنوحي


هشيم وعروق الحشا كنّه الليف

ه ه ه ه ه ه ه ه ه ه ه ه ه ه ه غبٍّ على فنجالي أمس وصبوحي


الليل يشعف والمشاعر مشاعيف

ه ه ه ه ه ه ه ه ه ه ه ه ه ه ه يالله بسترك خافقي لا يبوحي


ما عاد يا ليل العنا لك تصاريف

ه ه ه ه ه ه ه ه ه ه ه ه ه ه ه لحّيت حالي يالزمان اللّحوحي


شاعر ودالوب القصايد تصانيف

ه ه ه ه ه ه ه ه ه ه ه ه ه ه ه وان صنفت يفرق على الطرس شوحي


يا اهل البيوك إن ما عليكم تكاليف

ه ه ه ه ه ه ه ه ه ه ه ه ه ه ه تكفون ما عادت مزوحي مزوحي


مرّو بي القصر المشيّد على السِيف

ه ه ه ه ه ه ه ه ه ه ه ه ه ه ه ويدب نسناس الحيا وسط روحي


خلّوني أدوّج بحي المواليف

ه ه ه ه ه ه ه ه ه ه ه ه ه ه ه واروي ظما كبدٍ ظماها يلوحي


واخذوا بقايا ونّتي للمشاريف

ه ه ه ه ه ه ه ه ه ه ه ه ه ه ه صوب الهبايب لين تبرى جروحي


عساي احصّل في فجوج الفلا ريف

ه ه ه ه ه ه ه ه ه ه ه ه ه ه ه او يدله القلب الشقي الجموحي


أبحرت لا عاد البحر والمجاديف

ه ه ه ه ه ه ه ه ه ه ه ه ه ه ه ضيّعت نصحك يالرفيق النصوحي


قبل أمس ضيف وليتني عادني ضيف

ه ه ه ه ه ه ه ه ه ه ه ه ه ه ه غريب عن رمشٍ طويلٍ ذبوحي


واليوم صار اقرب من الشط للسِيـف

ه ه ه ه ه ه ه ه ه ه ه ه ه ه ه واسرف بي الظبي الجفول النزوحي


ريميةٍ ربّت ضلوع السراجيف

ه ه ه ه ه ه ه ه ه ه ه ه ه ه ه غدا لها صدر المعنّا بطوحي


خرّفت بك يا منية القلب تخريف

ه ه ه ه ه ه ه ه ه ه ه ه ه ه ه يا ابعد من عيون الدجى عن وضوحي


ما هوب عشق مزخرفين المظاريف

ه ه ه ه ه ه ه ه ه ه ه ه ه ه ه حبٍّ تربّع في الحشا ما يروحي


لا بوك دنياً ما مشت لي على الكيف

ه ه ه ه ه ه ه ه ه ه ه ه ه ه ه تبعد وتقصر خطوتي عن طموحي


ويا اهل البيوك إن ما عليكم تكاليف

ه ه ه ه ه ه ه ه ه ه ه ه ه ه ه خلاص ابرجع لا تهيّض جروحي


وســلا مــتــكــم . . .

-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،


للــشـــــــاعر /// ((( بــــــدوي )))

.


[تم تعديل الموضوع من قبل معزب الضيفان بتاريخ 08-21-2001 الساعة 01:05 AM]

[nashama]

معزب الضيفان



قصيده جميله ورائعه ولها طابعها الخاص والله يهدي اهل البيوك

يحققون رغبتكم وليكن لديهم علم ان مالهم عذر وان تعذروا تراني

حاضر واناخوك عندي جمس 4×4 خيال سهل اوعر لو تبيه يدخل فنا

القصر.

هذا اللي لك علينا

تسلم والله ياخو النشاما ،، تفعلها طال عمرك ..

لكن ! أخاف الجمس ما يكفّي ؟! ..


لا هنت على كل حال ومشكور ..


تحياتي ،؛ أخوك / معزب الضيفان ..

[عليا الهلالية]

الــــلـــة الـــلــــة

قصـيــدة فى غااية الرووووووووووووعة

بدوى:

شــــاعر كبيـــر نشهد لة بذلك حتى وننحن لالالالانعرفه

نعتب عليـــة لغياابة ونتمنى منة التوااصل معنا

رااااااااااااائـع بالفعل

صـــــــــــح الســاااااااااانـك

ياحي ذالعين من معزب الضيفان



مسيك بالخير يالعضيي


علي الحراام انه ابدع

قصيده مافيهاا كلاام وخاليه من النقد

ومن ناحية البيوك

ولا مهونه لراعي الجمس

ابشرلك بفكسار جديد ماله من العازه
الا انت

ان بغيت البيوك وراعيه جينااه


عموما صح الله الساااانك ولاهنت

ولا عااد تبطي عليناا وااجد


تقبل تحياتي واعجابي

اخوك / فالح بن قشعم

معــــــــزب الضيفـــــــان

الله عليك

هنا ضيفت الشعر بكل ما أوتيت من كرم


اصاله مفرده واحساس مفعم بالصدق


صح لسانك مليووووووون



تقبل تحياتي

معــزب الضــيفان ونعم والله فيك يالقرم


صـح السـانك ولاهنت


تحياتي لك

الأخت علياالهلالية ..

أشكرك جزيل الشكر وراح تعرفين بدوي قريب انشالله .




تحــــــياتي

- - - - - - - - - - - - -

مرحبا بك والله ومسهلا يابو فالح ..

وش أخبارك عساك طيب ،، الساعة المباركة اللي ردّيت علي .. مابغيت نفداك ..

على العموم لاهنت على الفكسار وتفعلها يالعظيي ..

وسلّم على الرّبع ..


تحيـــــاتي ..


.

معزب الضيفان
ا
ا
ا
قصيدة جزله وممتعة وبيت منها عن قصيده وانا باختار هذين البيتين واعتبرهن عن قصيدتين
---------------

خلّوني أدوّج بحي المواليف

ه ه ه ه ه ه ه ه ه ه ه ه ه ه ه واروي ظما كبدٍ ظماها يلوحي


واخذوا بقايا ونّتي للمشاريف

ه ه ه ه ه ه ه ه ه ه ه ه ه ه ه صوب الهبايب لين تبرى جروحي

--------------
صح لسانك مليون
وتقبل تحياتي واعجابي

مرزوق العتيبي ..

والنعم فيك ،، صح بدنك طال عمرك ، والله لا يهينك على هذا الإطراء

الحمد لله إن تعبي ماراح هدر ،، اللي قريتوا القصيدة

وجازت لكم وهذا المقصد .


مشكور ،،.. أخوك / معزب الضيفان .

.

حوران ..

الله ينعم حالك ولا عليك زود ..

وصح بدنك ..

.

المسامح .. صح بدنك ،،

وإعجابك بالقصيدة شرف لنا وهذا هو المراد والغاية من عرضهاعلى

مناظر اللحوات الغانمة شرواك .

.

[عليا الهلالية]

اقرؤوووها مـرة اخــــرى

فـهى تـســتـحــق ذلـــك

اخوي معزب الضيفان .....تسمحلي اقولك شئ؟؟!!!!!!

هذا الاسم(((( بــــــدوي ))) حطه في برواز!! وعلقه في اعلى قوائم الابداع!!


لانه شاعر من فئة الخمس نجوم!!


بلغه تحياتي واعجابي


اخوكم الصغير/الواثق