Tweet
السلام عليكم ورحمة الله وبركاته
صباح / مساء الخير جميعاً
بعد طول الغياب
مصافحة أتمنى ان تصافح ألبابكم
[poem=font="Traditional Arabic,6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]صباح / مساء الخير جميعاً
بعد طول الغياب
مصافحة أتمنى ان تصافح ألبابكم
ياصباح احلى صباح بيوم عيد = يالصباح اللي حضورك يحرسه
الصباح اللي يوديني بعيد = عن مساءٍ كل حزنٍ يلبسه
يجعلن عرضت طواريق القصيد = وعرضت الشامت ووجبة مجلسه
الصباح اللي بدونك شي اكيد =العذاب بباطنه وبملمسه
مثل صبح الدرس بعيون البليد = في نهار السبت باصعب مدرسه
عقب عطلة عيد الافطار السعيد = وشايفً فرجة رفيقً ونسه
رابع سنينه وهو بأول يعيد = وان فصل بالغصب عمه نكسه
وليلة الدرس .. الشقي جالس وحيد = سابحً باعمق بحار الوسوسه
راح ليله بس وافكاره تعيد = أجمل ايامٍ مضت له واتعسه
وقوموه الصبح بأسلوبٍ شديد = وقام لو ماذاقت العين نعسه
بس طرق الثوب وكتاب النشيد = وناسيٍ باق الكتب والهندسه
والمدرس كن قلبه من حديد = كل يومً فيه يلعن مقبسه
وكان ماهي مثل هالحاله تزيد = باد جيش الصبر بعدك ونكسه
والله ان البعد ***** الكديد = رجع لراسي هيامه وعمسه
يافرح قلبي طلبتك تستعيد = كل ليل من الليال المرمسه
طب قاع القلب كله بيد بيد = كل عرقٍ يشبك بقلبي دسه
أنت شمس القيض واحزاني جليد = طلتك تصلاه لو ماتلمسه
طل ياصبح السعاده من جديد = خل قلبي ثوب عيدك وألبسه[/poem]
تعليق