خَــــــــبـــــيــر

[poem=font="Simplified Arabic,5,sienna,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]



كَف كِف دموعك مابهم من يواسيك = لانـّك يتيمٍ من ترايب فقيرة

لو كانت اصحاب الفخامات تعنيك = كان أنت مسترٍ وحالك ستيرة

لو كان ابوك اللي يضبّط لهم "بيك" = كان اشهقت من دمعتك كل ديرة !!

من قبل ترثي والدك من بيرثيك ؟ = خلاّك عند اللي تلاشى ضميره

أنته مواطن ؛ واعرف انها دواليك = أية مواطن ما يقرّر مصيره

حاول تأقلم مع حياة المماليك = قبّل كفوف أهل الصفاة الحقيرة

لا تشتكي ضيمٍ ولا ترفع يديك = حتى الدُعا يُحسب جناية خطيرة

خالف قناعاتك وغيّر مباديك = واضحك مع الشيطان ضحكة مثيرة

إذا تحنحن قول تسلم ولبّيك = قدّم ولا الطاعة وقدّر مُشيره

حاول تضحّك حضرته لاجل يغليك = وحاول تقمّص دور حتى سميرة !!

احنث ؛ وبالغ ؛ قول محدٍ يساويك = يا سيدي غيث القلوب الكسيرة

يابو المكارم كيف مثلي يوفيّك = شف سيرتك تعلو على كُل سيرة

مابه مواطن " سيدي " مافخر فيك = يدعون لك بالواضحة والسريرة

هاذي نصيحة مخلصٍ ماشمت فيك = قدم عُصارة خبرته في الجزيرة

في الواق واق وجزرها ؛ يزأر الديك = وجزيرتك فيها ديوك كثيرة

أحذر تخالف للنصايح وأنا خيك = ترى النصايح كُلبّوها جديرة

اذخر دموعك والنصايح بتغنيك = هاذي نصايح واحدٍ صاد طيره
[/poem]

الغالي محمد
قصيدة فعلاّ معبرة وتحكي واقع مر
الله يرحم الحال
صح الله لسانك
ولاهنت
وسلم فكرك وبنانك
دمت برعاية الله وحفظة

مرحبا اخوي مناور


اسعدني مرورك يا رجل

أخوي محمد السالم

صح لسانك واعتلا شانك

رايعه ووافيه ومعبره

لك فائق احترامي وتقديري

[خالد السهلي]

صح الله لسانك

نعم التعبير

ونعم الموضوع


مبدع بكل ماللكلمةمن معنى

محمد


صح لسانك وصح قلبك

قصيده وافيه ومن راس وافي


لاعدمناك ولا عدمنا حضورك

حلقه جديده من حلقات الأبداع نجدها من خلال هذا النص


لاعدمنا هذا الحضور الجميل


تقبل تحيتي


مشهوووور....

واقع مر

الغالي محمد السالم

صح قلبك وفكرك ولسانك وبنانك


نص رائع لامس الواقع برؤية خبير


أشكرك على هذا الطرح الجرئ اللذي يحسب لرسالة الشعر الساميه


لله درك

تقبل صادق الود والتقدير لشخصك الكريم

كن بخير