كم شنب فيه الزمن جاب المطمه ..!!

أحبتى هنا
بعد السلام والتحيه والاحترام
يسعدنى أن اضع هذه البويتات لكم
عساها تنال الرضا


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
أط علي الدنيا برجلك يالسنافي = ولا تفكر بالهموم المدلهمه
دام راسك حي فالدنيا عوافي = كل ما تبغاه بعزومك تتمه
خل شوفك قدم لاترجع خلافي = لو زمنك يزيد يا رجال همه
وكان ضاقت بك وسيعات الفيافي = ما أنكتب للعبد لابده يتمه
ماش أبه رجال من دنياه صافي = كم شنب فيه الزمن جاب المطمه
الرجل لاصار طيب ومتعافي = لايهمه ضيق وقته لايهمه
جل شان اللى عليمٍ بالخوافي = منزل القرأن نور لكل الامه
منجي الشجعان من حد الرهافي = ورازق المعطي برزقٍ ما يضمه
تبلش الخبلان في شيل الخفافي = والحصان حصان كفوٍ للمهمه
همل اللى زودهم هرج الاشافي = زودهم ما بين قول وبين نمه
الردي مهما فعل ماهو بوافي = لو بغى تخذل يديه أطراف كمه
والمراجل ما تهيا للظعافي = ودها قرمٍ يفوح بطيب دمه
حى راسٍ لانخيته جاك لافي = ما يكب العلم ساعات ويخمه
التجارب مدرسه والعلم كافي = والفعايل تمدح الرجل وتذمه[/poem]اخوكم .. الموقع ادناه

ما شفتها يابو يزيد العذر


يا الأمير أنت وقصيدك


لله درك وصح لسانك عسى عمرك طويل وعلى العز


حى راسٍ لانخيته جاك لافي = ما يكب العلم ساعات ويخمه
التجارب مدرسه والعلم كافي = والفعايل تمدح الرجل وتذمه


لله درك

بو الوليد


ماهو غريب عليك الابداع

ولا انت غريب عليه


قصيدة تقطر عذوبه



صح لسانك

عبدالله




هلا وغلا



ومرحبا




تواجدك شرف وفخر




لاهنت



ولك تحياتي