تحـــــــــــاك...

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]

على زرفالة جمال المحامل وامتداد البيد=ذكرتك فالغياب وسقت شرهاتي على روحي
ضربت جنوب سمحات الركايب وانتحيت بعيد=مناحرها على طور المكان المبعد الشوحي
مع الليل البهيم ونسمة الساحل براس الحيد= فلا صوت على سمعي ولا مايشغل شبوحي
وانا من سامر النجمه على العوكاس والتعقيد=وهاجوس تنــــابيه الطعون وينكث جروحي
قصير النايحه ماله عن وجيه الهموم محيد =ليا ناح الضمير شوي.. قال لجارته نوحي
يبادلها الطواريق القديمه يوم سيد الغيد=على لحن الغرام يجره من الوجد مشفوحي
يامن يامرك بامر الله وتفعل ماتشاء وتريد=هواك اللي تركني في عقاب اخطاك مطروحي
حرام انك ذبحت الروح ذبح الفدي يوم العيد=وانا سلمت لأمر الله وماقدره في لوحي
بعد شديت وقلوب الحبايب في يدين القيد=ماعاد لسكرة اجفان السهر بالنوم مصلوحي
يمر الليل بسدوله ونومي مثل شرد الصيد=يذيره الزمان اللي على باب النوى يوحي
لك الله واحد .. زوده على زود الملوك يزيد=ليا لمس الضلوع وقال يا روح الغلا فوحي
اسالك بالذي نولي له الأيمان والتوحيد=بقالي عندك من الذكر ماترضيبه طموحي
تحاك وردلي صوتك وعايدني بيوم العيد=لا تسكت لا دعيتك.. وان نشدتك قلت ماتوحي[/poem]

استاذي الشاعر الكبير/شايع العيافي

الشهادات فيك مجروحه فانت غني عن التعريف

وغني عن الشهادات انتظر جديدك تحيتي وتقدري استاذي

ابوفارس

انت من غرباء الشعر في هذا الزمن


عيدك مبارك

الله الله الله الله


يابو فااااااااااااارس


مبدع بلا حدود


صح الله لساااااااااانك وبيض الله وجهك


شااااامخة من شمووووخ شااااااعرها


تقبل مروري ولك تحياتي

هلا وغلا اخوي شايع

لطالما تواجدت بهذا المتصفح و تعمقت فيه طي أطيب انفاسي بمثل هذا النبض

صح لسانك ودمت لاحبابك واولهم انا

خالد بن محمد

[poem=font="Simplified Arabic,5,#1A00FF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
حرام انك ذبحت الروح ذبح الفدي يوم العيـد=وانا سلمت لأمر الله وماقـدره فـي لوحـي
بعد شديت وقلوب الحبايب فـي يديـن القيـد=ماعاد لسكرة اجفان السهر بالنوم مصلوحـي [/poem]



الله الله يابوفارس

ماتدري أنك ذبحتنا حنا بعد

لااملك الا ان اقول روح ياشيخ .........ودربك خضر

دام هذا البوح العذب ودمت

وصح الله لسانك ..... ويسلم راسك

واقبل من محبك بحر اجمل التحايا

[سعد بن شليه السبيعي]

ابوفارس 0

صح الله لسانك


نظم صادق من شاعر له مكانته

لله درك ابداع ليس بغريب

لاهنت