Tweet
اخواني واخواتي في منتدى النداوي الشامخ اطرح بين ايديكم هذه الأبيات عسى ان تنال اعجابكم
وخالص تحياتي
البارحه قافي تذكرني بعد غيبة شهور= لَكن بعد غيبة ثلاث شهور والله لتعبه
وانا اعرف انه لحتمى الميقاف والله مايبور= وإن صب لي فنجال ياشعار والله لشربه
انا بشر وشلون اعرف اللي تخفيه الصدور= ويغرني دقن الضعيف اللي تحت حد شنبه
اشوف لي ضلماء واشوف النور وازيده بنور= واشوف لي مخلوق يلبس ثوب من فوق ركبه
يشره على الحيين في دنياه واصحاب القبور = في ذمة المولى ويلحقهم عسى الله ينكبه
واللي معه ملاس يضهر ماتخفيه القدور= والحاشي اللي فيه قبل ايام راعيه جلبه
اثر السراب يعد نفسه بحر من ضمن البحور= والداب لو سلبه يوقي فالزمن مايسلبه
والشعره اللي في سنام الثور ورثها لثور= مجرته في مزرعتها والليالي تسحبه
وترى الشجر ماينكر جذوره على مر العصور= تورق به الأغصان وإلا الماء جذوره تشربه
وبعض العرب يدخل بوجه الشاه من بين النمور= يعني بلفظ الباديه والحضر ***** رقبه
واللي مفتح لو يشوف الدرب به عمي(ن) وعور= ماكل حرف اقراه بالدنيا على الطرس اكتبه
واللي يبا يرقص مع الساحر على شم البخور= إليا ارتخى حبله مع الأيام والله لكربه
والبندق العوجا ليا زهبتها يمكن تثور= لكن ويش الفايده دام الهدف ما تعطبه
خلاص ياشعار لو عديتها جسر العبور= تمت ووفيت القصيده كل شاعر تطربه
وختامها والعلم للشعار من بين السطور= بالعافيه للي مسح ديس المنيحه وحلبه
تعليق