الحـريم !!!

السلام عليكم


قصيدة أتمنى أنها تحوز على رضاكم


*



صلو على النبي



*

[poem=font="Simplified Arabic,5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
مال الغلا كود الحبيب الأولي يالمستهيم=لو كان قلبك حب غيره بالخفى ماتحقره

الموت بالحب القديم ... الموت بالحب القديم=لامن طرى سجيت بالغالي وأهوجس وأذكره

الجادل اللي لاذكرته قلت والله العظيم=مانساه لين الجسم قبّار المقابر يقبره

يافاتنه حبك جرى بالقلب وعروق الصميم=لين أنتهى الشاعر وباب الشعر عقبك صكره

تدرين بالعقل السليم ... يكون بالجسم السليم !=من عقبكم عقلي دمر جسمي ولمّه وحشره !

دام الدوى عندك تعال وعالج القلب الحشيم=أنا علاجي شوفتك ماهو علاج الدكتره

مالي سوى شوف العيون اللي بها رمشٍ عديم=ياقلبة الله بالعيون النرجسية ونحره

لاشفتها زاد البلا ون غبت عنها مستضيم=ياكثر ماشفت التعب وأعذر هواها وأذخره

من أول أسمع بالمثل عند المقفي والمقيم=الحب لامنه نوى قلب المحبين دمره

الحب ... مثل الشاعر اللي في مكاتيبه يهيم=في كل وادي يقطف الأزهار والقاع ... أوعره !

وأنا ليا شفت الغروب وهب ذعذاع النسيم=أجمل بيوت الشعر في وسط الكتاب محضره

ولو خيروني بالطيور اللي على الغصن الهشيم=(( عصفور في كفي ولا عشرة على غصن شجره ))

أسري على نور القمر ... وأسهر مع الليل العتيم=والمعذره ياجملة نجوم الفضاء المعذره

ياكثر ماطال السهر والمشكلة قلبي غشيم=وأسترجع الماضي من الأفكار وأجيب خبره

وأقول ياقلب الشقى لاتنهج الدرب الأثيم=وبليس مايرتاح لين يجيب للناس أقشره

أعوذ بالله القوي من دبرت بليس الرجيم=وأسجد سجود الأستخاره وأحمد الله وأشكره

أدري وأعرف أن الصبر من شيمة الرجل الحليم=بس الحليم اليا غضب لو قدمة البحر عبره

وأكثر بلاوي بالزمن صارت ... من أسباب الحريم=كم من أمم قد بعثرت وأسبابها عرضة مره

لكن على الله يفرح المشتاق والقلب النديم=والعمر مهما طال يقصر ... والعلاقه منكره !!!

وعذالنا .. عذالنا مثل الهلامه والبهيم=ناسٍ تحب الثرثرة ... وعقولها مستصغره

تعال ياوجه السعد يالله عسى عمرك يديم=والعاذل اللي حدني عنك ... عسى الله يقهره

يابنت لدي وأصلحي وأنا الزعيم بن الزعيم=والله لجيلك لو دروبك كلبوها مصكره !!

حنا الرجال اللي فعايلنا كمى الموج اللطيم=عند الوعد وافين وغصون الكرامة مثمره

من طيبنا فزعاتنا كمى السراط المستقيم=اليا قعدنا مقدرة ... وأذا وقفنا مقدره

والمشكله قلبي خضر دايم من الذكرى مهيم=( من كثر ماقلبي خضر .. شوف العروق مخضره )

أعرف ترى قلب الشهم ماهو مثل قلب اللئيم=الطيب يحيي من حيا ... والغبن مافيه أثمره

وأغلا الحروف الأبجديه وسط قلبي حرف ميم=ياقلب جيب اللي تجيب ووخر اللي توخره

مال الغلا كود الحبيب الأولي والله كريم=لو كان قلبي حب غيره ... بالخفى مانحقره[/poem]

الاخ العزيز القدير المبدع الشاعر / طلال بندر
مااقدر الا اقول مافيك حيله
معاني قويه قافيه متزنه
لله درك عاى هالدرر
وافيه من شاعر متمكن

تحياتي

أرحب يابو بندر



صح الله لسانك وسلم رأسك جزله من جزل



تحياتي

الشاعر طلال بندر



صح لسانك يابوبندر




قصيدة طيبة من راس طيب




لك تحياتي

صح الله لسانك


يابو بندر



أشهد لله لقلت وطلت لا عدمناك




جزلة ووافيه عسى عمرك طويل وعلى العز





تقبل تحيتي وسلامي




اخوك ابو مهنا

ياهلا ومرحبا اخوي العزيز سعد السبيعي



صح بدنك



مرورك يسعدني طال عمرك

صح السانك ياطلال

رائعه من شاعر رائع

تقديري

ياهلا ومرحبا اخوي العزيز شجاع عمر الاكلبي




صح بدنك طال عمرك



مرورك يسعدني

الغالي طلال
صح الله لسانك
ولاهنت
وسلم فكرك وبنانك
دمت برعاية الله وحفظة

مـال الغـلا كـود الحبيـب الأولـي والله كريـم
لو كان قلبي حـب غيـره ... بالخفـى مانحقـره


صح لسانك يامبدع





ماهيب غريبة عليك الجزاله

ياهلا ومرحبا اخوي العزيز هادي بن عسكر



صح بدنك





مرورك يسعدني يابن عسكر

أعـوذ بالله القـوي مـن دبـرت بليـس الرجيـم

وأسجد سجـود الأستخـاره وأحمـد الله وأشكـره

وأكثر بلاوي بالزمن صارت ... من أسباب الحريـم

كم من أمم قـد بعثـرت وأسبابهـا عرضـة مـره

صح لسانك يا طلال

ابيات من الذهب تتطرق لأكثر من غرض شعري ...شاعر مبدع واتمنى لك التوفيق

تقبل تحياتي

ياهلا ومسهلا يابو مهنا



صح بدنك ياشيخ



مرورك يسعدني طال عمرك

صح لسانك ياطلال



وبيض الله وجهك


تقبل تحياتي وتقديري

طلال


صح لسانك


جزله من جزل


تحياتي وتقديري