Tweet
....
السلام عليكم ورحمة الله وبركاته
قصيده جديده ..
أقدمها لكم متمنيا من الله أن تعجبكم
حتما لها الشرف بمروركم ..
السلام عليكم ورحمة الله وبركاته
قصيده جديده ..
أقدمها لكم متمنيا من الله أن تعجبكم
حتما لها الشرف بمروركم ..
[poem=font="Simplified Arabic,6,black,bold,normal" bkcolor="transparent" bkimage="" border="none,4," type=2 line=1 align=center use=sp num="0,black"]
هلا بك لو أنك معلن الصد والهجران=تغيب وتجي عندي مثل يوم الاعيادي
لو أنك تشك أن الغلا كذب ٍ وبهتان=ماجابك علي الشوق مكتوف الايادي
تركّد ولا تستعجل أن جيتني ولهان=ترى غيبتك عن حضرتي .. شي مو عادي
علي الحرام أني من الشوق لك .. مليان=تعلقْت بك .. والشوق من رحت يزدادي
تراني أشوفك شوفت اللي ورى القضبان=يطول المدى مازاره الزاير الغادي
يعد العمر مع قسوة السجن والسجان=وأذا زاره الغادي حضن كل الاصفادي
أنا لو بغيت أحْذفك في سلة النسيان=لقيتك بدون شعور في سلة فؤادي
مادامك مع الحيين حي ٍ وإلك عنوان=فداك المطر والسيل يازهرة الوادي
طواريك تاخذني على مركب الحرمان=أدور على مينا وصالك .. ولافادي
يكسّر مجاديفي كلامك ياعود البان=يوم أنك تقول ظروفي تحتّم أبعادي
لا زلت أتنفس عطرك الساحر الفتان=وأذا مرني عطرك بدى صوتك الشادي
أمر المكان اللي حوى العود والريحان=يوم أنك تقول العيد هو عيد ميلادي
وأمر الطريق اللي تمره وانا هيمان=أتابع خطا رجليك سردادي مردادي
ياليت الوصال يباع وأشريه بالاثمان=اسوق الدراهم كاش ماهو بالاقصادي
لكن القدر له حكم ماهو على الحسبان=وحكم القدر ماهو على الكيف ينقادي
أنا عاذرك تبعد ولو كنت أنا الخسران=ولكن تلاحقني ليا طال مقعادي
أبي يوم واحد بالسنه ينعش الوجدان=يجيني مثل يوم السعد يوم الاعيادي[/poem]
اخوكم / خالد الديحاني
....
[/align]
تعليق