Tweet
معاني الشوق // النادره !!
اسعد الله جميع أوقاتكم بالخير والمسره..
وصلتني هذه القصيده من الشاعره العزيزه النداويه / معاني الشوق
وسعدت بها وتشرفت بردي المتواضع عليها ..
أضعها أمامكم ولكم كل التقدير..
[poem=font="Simplified Arabic,6,darkred,bold,normal" bkcolor="transparent" bkimage="" border="none,4," type=2 line=1 align=center use=ex num="0,black"]
معاني تشكي من شقا اوقاتها اليوم=يالنادره دمعي على الخد سالي
وش حيلة اللي غيرت حاله سقوم ؟=عيني سهيره لين فجري بدالي
سهوم تلفيني وتقفي بي سهوم=صدري تفتق من سهوم الليالي
لامارحمني قاسي الوقت لو يوم=مدري وش اللي باقين ماجرالي ؟!
قبل امس دارت بي هواجيس وحلوم=واغني المسحوب ياله يالالي
ماهو طرب لكن حارت بي هموم=كني سجينٍ بالفيافي لحالي
اسلي الخاطر وانا اسامر نجوم=ودموع عيني مثل طش الخيالي
مات الوفا والطيب والصدق معدوم=مابه بعيد ولا قريبن صفالي
اغض طرفي واتسامح مع القوم=واسقيتهم عذبن قراح زلالي
انا شجاعه بنت فارس وشغموم=لاني اصيله مااحتسيت العزالي
ماكنت احسب ان الغدر سم مسموم=جتني طعوني من رفيقن موالي
تخلا عني وقت شدات ولزوم=وانا من اول مرخصن له حلالي
يالنادره حالي كسيرن ومضيوم=ابي المشوره يوم انا اكتب مقالي
وصلاة ربي عد ماهلت غيوم=على النبي اعداد نقد الريالي
(( معاني الشوق ))[/poem]
[poem=font="Simplified Arabic,6,purple,bold,normal" bkcolor="transparent" bkimage="" border="none,4," type=2 line=1 align=center use=ex num="0,black"]
البارحه عيا يجي عيني النوم=وبدع القوافي تو جاله مجالي
مرسول جاني بطيب القاف منضوم=من شاعره لا ما تجيب الهزالي
يامرحبا اعداد مايكسر الحوم= طيرن تعلا فوق كل المعالي
واعداد ناسن للولي تحج وتصوم=وماهب ريحن من جنوب وشمالي
باللي على تشكي معاناه وهموم= وتشكي غدر منهو رفيقن موالي
هذا مقدر يامعاني ومقسوم=وقبلك شكيت الهم اول وتالي
ولا تتعبين النفس يابنت باللوم=ماصار صار ولا يفيد الجدالي
كم واحدن غيرك حزينن ومحروم= وكم ضايقن حمله سوات الجبالي
وكم عين تبكي وغطت الدمع بكموم=وكم من كسيرن صاح واعزتالي !!
وصدري على شل الشقاء منك ملزوم= لانك اصيله وتعربين الخوالي
ابرتكي للحمل واطيح و اقوم= وافديك انا كلي بحالي ومالي
وان كان ماشلت العناء عنـّك اليوم ؟؟=عسى على الاكتاف جسمي يشالي !
النادره[/poem]
عشان الوزن طبعا مدري علامي هلايام مسوي فيها ناقد 
[/align]
تعليق