Tweet
حــــــــروف الـقـلــقــلــه
من شافتك عيني وشعري صار قمه في الجمالانت السبب في ماوصلته من علـوا المنزلـه
سويتني شاعر اجيد الوصف وانواع الخيـال
من بعد كان الشعر بالنسبه لي اكبر معضلـه
سويتي فيني شي ماسواه احد يابـن الحـلال
قلقلتني رغم ان ماني مـن حـروف القلقلـه
واللي مجنني وجايب لي وسط راسـي هبـال
أن الحكي يطلع من السانـك قصايـد مذهلـه
ماهمي الا كيف الاقي لي اجابـت هالسـؤال
وشلون منك اتكلكل وماكنـت احـب الكلكلـه
حتى الجبال اللي نقول الريح متهـز الجبـال
تهتـز لامنـك زعلـت وكـن فيهـا زلزلـه
جيتك وفي يدي هديه قلت عربـون الوصـال
خاتـم ذهـب للذكريـات وردتيـن وسلسلـه
من كثر مايتلعثـم لسانـي اذا شـاف الـدلال
يبي يقـل خـذ سلسلـه فيقولـك خـذ ثلثلـه
استغفر الله العظيم ان كان في حكيـي خبـال
واستغفـر الله العظيـم ان كـان زدت البلبـه
والله يلوم اللي يلومنـي علـى هـذا الجمـال
عشان يصبح مثلي انا من حـرورف القلقلـه
عبدالله آل جميل الشهري
تعليق