اخواني واخواتي
اعضاء وزوار النداوي
اليكم مجاراتي للسامر في مدح الامير سلمان بن عبدالعزيز ويكفيني شرف المشاركه
طبعاً الثلاثه الابيات الاولي لنصير الشعر السامر
اعضاء وزوار النداوي
اليكم مجاراتي للسامر في مدح الامير سلمان بن عبدالعزيز ويكفيني شرف المشاركه
طبعاً الثلاثه الابيات الاولي لنصير الشعر السامر
[poem=font="Simplified Arabic,6,,normal,normal" bkcolor="transparent" bkimage="" border="double,4," type=0 line=0 align=center use=ex num="0,black"]
عز الرياض وعز وادي حنيفه = وعز الاماره والامور العظايم
عدل الحكم سلمان بالعز ريفه = خمسين عام ٍ كل ابوها غنايم
تبصر بعدله عين حي ٍ كفيفه = المجد له والطيب والعز دايـم
وتقوى بطيبه كل يمناً ضعيفه = وتموت من عدله كبار الظلايم
وتخلّي ايديه الثقيله خفيفه = على متون اللي من الهم هايم
امير ويشوف الاماره وظيفه = في خدمة أهل الخير جالس وقايم
صدره مضيف ومن يجي يستضيفه = ويديه بنحور الظلايم دعايم
ومخاطبه لأهل القلوب النظيفه = أرقّ وألطف من لطيف النسايم
وليا غضب هرجه سيوفٍ رهيفه = تنذر مخالف نهجنا بالهزايم
وليا عطى ما مدّها بالنصيفه = غيثٍ يغيثك ويتعداك غايم
يشوق رعّاده ويسعد رفيفه = ولاللضعيف اليا تنصاه لايم
وطيّب وطيبه فالامور الكليفه = اللي تبيّد صاملين العزايم
لزم الرياض وهي جبالٍ منيفه = تطيح من نظرة قممها العمايم
وخلاّ الشواهيق المنيفه قطيفه = واقام فيها للعظايم قوايم
هذا الامير اللي نجاحه حليفه = ذخر الملوك أهل الفعول القدايم [/poem]
محمد الدهيمي
تعليق