ماحلى الفنجال لامالت الفيّة

هذه القصيدة وليدة عصر اليوم 29/5/1428هـ الجمعة كنت لوحدي في البر وجادت بها القريحة آمل أن تحوز على رضاكم


[poem=font="Simplified Arabic,6,,bold,italic" bkcolor="transparent" bkimage="" border="none,4," type=2 line=1 align=center use=sp num="0,black"]
ماحلى الفنجال لامالت الفيّة=فيّ هضبة في خلاً نازحٍ خالي

مع نشاما ماخلطهم خواضيّة=السوالف كنّها جنيه وريالي

مثل أبو فيصل ليا حل طاريّة=فز قلبي فزّة الشيخ للغالي

يافهد ونكان ودك ببريّة=ريحها يجلى عمس ضيّق البالي

شغل رجالٍ حشم ذي من ذيّة=يحتسي للمرجلة طيّب وغالي

وارد الخولان ماهيب كينيّة=أحتسيها في حرا كل رجالي

عانني يالقرم في أمات حيشيّة=في ذراها شرق ماغير أنا لحالي

ماشيٍ في شف نفسٍ شقاويّة=أبتعد بالعين من شوف الأنذالي

من صديق المصلحة والدوينيّة=والذي لاقال ماهوب فعّالي

سجّةٍ بالرجل في أرضٍ خلاويّة=مايجيها اللاش ودويني الخالي

ديرةٍ ماهيب بالشبك محميّة=ينبرح شوفك مع جرد الأسهالي

شوقها في القلب شوقه لحوريّة=في جنان الخلد في خير وظلالي

وأبتعد من مجتمع كاسب السيّة=الذي يبلاك بالقيل والقالي

ياهني من معه نفسٍ دلوهيّة=بكل حالٍ خاطره داله وسالي

وينكم ياهل الوفا والشهاميّة=والله إني بشوفكم يرتشي حالي

الرجل بالفعل للطيب ماريّة=وأخسروا اللي فعلهم صوغ الأمثالي

الختام إعداد ماخطّت إيديّة=ياصلاة الله على الرسل والآلي[/poem]

أرحب يابو عمر حيه والله وماجاب

كفوووووووووووووو والله ونعم بالداعي والمدعوي (ابو فيصل )لاتبخلون علينا بخوتكم

ياطوال العمار

ابوعمر
جعل لسانك مايعجم
صح لسانك مليار
وشف شف النشاما ولاهو غريب عليكم
وافي من ربع وافين

لاهنت
لاهنت

صح لسااااانك يابو عمر

قصيدة وافيه ياوافي

ونعم بالجميع وافين لاعدمناكم

تقبل تقديري وحترامي

ارررررررررررررحب يابوعمر تراحيب المطر




وصح لسانك ملاييييييييييييييييييييييين



والشاعر فهد بن شعلان ابوفيصل سنافي ويستاهل ولايهون الحاضر



وفي انتظار رد ابوفيصل



لك تقديري واحترامي

صح لسانك


وهذا فنجال من دلة ابداعك


لاهنت

السلام عليكم ...


احيييييييييييييييييييييه على فنجالها



يا سلام عليك يا شجاع


صح لسانك ولاهنت على هالطلعة البرية


تقبل ودي واحتراماتي

ابو عمر

صح لسانك وبيض الله وجهك




الله لايهينك علمك غانم والكسبان من رافقك




لك تحياتي

الله الله يابو عمر



يامرحبا بك صح لسانك



لاعاد تطول علينا نشتاق لك ولقصيدك

يافهد ونكان ودك ببريّة
ريحها يجلى عمس ضيّق البالي

شغل رجالٍ حشم ذي من ذيّة
يحتسي للمرجلة طيّب وغالي

وارد الخولان ماهيب كينيّة
أحتسيها في حرا كل رجالي

عانني يالقرم في أمات حيشيّة
في ذراها شرق ماغير أنا لحالي

الله ياسلام عليك يابو عمر
دمت ودام ابداعك

لك التحيه والتقدير

ابو عمر



نص به من الحكمه الكثير




صح الله لسانك



وعلومك غانمه طال عمرك كلها




تحياتى

ألا ماتعلمني وش موديك للبر

ولحالك ؟؟؟؟؟؟؟؟؟؟؟

مرة تغزل ومرة تشتاق للبرية ماعرفتلك ياشجاع
لكن ودي أقول صح لسانك وبعدين نتفاهم

تحاياي

ابو عمر

صح الله لسااااانك مدد بلا عدد

واااافي وجزل

الله لايهينك يابو عمر

ابو عمر

السلام عليكم ورحمة الله وبركاته

صح لسانك وهيضتني لم حيشيه وذاك البها

كنت هناك قبل يومين

عسى الله يعلها بالحيا

آآآآآآآآآآمممييييين


عموما جزل وحاب جزل صح لسانك


مريت واستمتعت

أرحب يابو عمر حيه والله وماجاب

كفوووووووووووووو والله ونعم بالداعي والمدعوي (ابو فيصل )لاتبخلون علينا بخوتكم

ياطوال العمار

تبقى يابو محمد



الله يحيي نباك



ماعليك زود وأبشر بعزّك لنا الشرف بخوّتك



لاهنت