Tweet
ايها الاخوة شح القصيد وبنرجع للمراسلات
قصيدة وصلتني من احد الاخوة من ضمنها((نورد جزء منها))
يالله ياللي لك نصوم ونصلي
___________ رب العباد وخالق الكون كله
اتدلني يارب لااخطي وازلي
___________ واعوذ بك يالله من كل زله
تكفى يابو هادي وانا خوك قلي
___________ يومك تعرف الشعر دقه وجله
بعض الرفاقه رفقته ماتسلي
___________ يضحك معك والكبد فيها الف عله
عسى البيوت المبهمات ابتحلي
___________ لان ابن مــعجب كــل لــغــز يحله
الرد
مبدا الكلام اقول يالله ياللي
___________ ذكري وتهليلي وصومي رضـا له
يامن تفرد بالعلو والتجلي
___________ اللي عبـاده تـرتـجـيـه وتجله
من لي بيوم الحشر يارب من لي
___________ في موقف كل يــراجــع سجله
يالله عسى مقيالنا تحت ضلي
___________ لاصار مابه غـيـر ربـي وضله
يامرحبا باللي كتابه وصل لي
___________ ترحيبة مــيعادهـا حـــــل حـله
ترحيبة تبدي عليه وتطلي
___________ مبدا النجـوم النــيرات المطله
والا مثل ترحيب خل بخلي
___________ قد له زمـان مـابـعـد شـاف خله
الذ من وبل سحابه يهلي
___________ واجمل من الـلي لـه رموش مضله
وفي صدقها تشبه دموع المصلي
___________ التايب اللي صـادق الـدمـع هــله
خوي ابن عمي له علي التغلي
___________ الـحال والا الـمال جـعـلـه فدا له
انا حزام له وهو محزم لي
___________ لاصار فـي ميــزان الايــام خــلــه
باقدم المجهود واسعى لعلي
___________ مااخالف مــبارك عـــلى هــقـوة له
واضن مابه لغز يحتاج حلي
___________ هرجك كما العــنوان وســط الـمـجـله
واللي يشيل بداخل الكبد غلي
___________ خـلــه يــمــوت بكـــل حــقــده وغله
اترك ردي النفس جعله يولي
___________ لابــد ماتــثــبــت عـــليه الادلـــه
ابينخفظ حضه وحظك يعلي
___________ وشــتـان مــابــيــن الــثــرى والاهله
وتر ماحصلك يامبارك حصل لي
___________ مع عــالــم تمـــشــي عــلى غــير مله
بث البرامج في قمرهم محلي
___________ ارســال واستقــبال شــــله لــشــله
لكن علينا بالرضا والتحلي
___________ بالــصـــبر لين الــعــقــد ربي يحله
خلك مع اللي للسوالف تحلي
___________ اهل الوجيـــه الـنضــر المــســتهله
مع النشامى فوق سجاد زلي
___________ فــنــجــال بـــراد وفــــنــجـال دله
عسى السعاده عندك ماتضمحلي
___________ وعــسى حــجــاجــك عــقــب عــقـده تفله
وانتو مثل سيف بريع يسلي
___________ ايجمل اللي فــي الــمــواقـــف يــســله
وحبل على عنق المعادي يتلي
___________ ياســــعــد من كــم يامـــبارك يــد لــه
واقبل سلام في مسك وفلي
___________ والــورد والــــعـــود الــمــعــتــق يبله
تعليق