Tweet
قصة قديمة جرت في ( البخشة ) !!!!!!!!!!!!!
مرحبا ثم مرحبا بالعيون وصاحب العيون اللي قاعد يقرأ هالموضوع
%%%%%%%%%%%%%%%%%%%%%%%%%%%%%%%%%%%%%%%%%%%%%%%
هذه قصة قديمة جرت على رجل من اهل الدوادمي المدينة المعروفه في نجد ، يقاله /عبدالله بن رمضان ( العهدة على اللى رواهالي وتراه شايب من اهل ديرة الرجال المذكور) وقيل انها لغيره وسموا بعضهم منهم /عبدالعزيز بن عيبان وقيل لابن فهيد ... المهم
ان الرجال هذا نزل الرياض العاصمة في عهد الملك فيصل عليه وعليهم رحمة الله اجمعين وكانت الحدائق العامة في ذلك الوقت قليلة وتسمى بالعامية ( البخشة ) ونزل هذا الرجل بحديقة الفوطة المعروفة في الرياض في حي المعذر أمام قصر الحكم سابقاًوهو متعب من طول السفر ، وكان الوقت الظهر وفي فصل الصيف واتجه الى ظل شجرة كبيرة لكي يرتاح ( يتلّيّن ويتمدد ) ، وكانت هذه الشجرة المكان المعتاد عند مجموعة من الشباب يرتادونها في هذا الوقت ، وتفاجؤا بوجود هذا الرجل الكبير في السن ، فقررو مضايقته حتى يرحل عن مكانهم ( هدانا وهادهم الله وهداكم انتم بعد يالنداوية عشان متزعلون علينا ) المهم انهم ضايقوه ومن ضمن المضايقة رمي بعض الكلمات عليه وتكثيرها مثل كلمة (شاكوش) هذا غير الضحك عليه ،وفعلاً تضايق منهم ورحل وهوزعلان عليهم وقال فيهم قصيدة طويلة نورد منها مانستطيع ......................................... يقول :
لقيت في البخشة طيور بلا ريش
،،،،،،،،،،،،،،جنحانها واذنابها دقم وقصار
طيور مرابيها من السوق للحيش
،،،،،،،،،،،،،،والى أونست لفح الهوى تزن لدار
فيهم طبايع من طوال العكاريش
،،،،،،،،،،،،،،وفيهم من الطليان تدويج وخوار
قضوا على اللحية وحطوا دناديش
،،،،،،،،،،،،،،قاموا يحنون البراطم والاظفار
جيل خبيث لو يجي فيه تفتيش
،،،،،،،،،،،،،،ظهر كثير منه أناثي لها اذكار
جيل يسمون النشامى شواكيش
،،،،،،،،،،،،،،اهل اللحى بافكارهم مالهم كار
اهل اللحى صبيان نجد مداغيش
،،،،،،،،،،،،،،اللى لهم فضل على الضيف والجار
يوم السنين شداد والرزق تنويش
،،،،،،،،،،،،،،وهم يبوجون الفيافي والاقفار
دور جماميل ودور قراريش
،،،،،،،،،،،،،، ودر لهم دور على فحص الانهار
تلقى الولد مثل الفهد بالمطاريش
،،،،،،،،،،،،،،على الشدايد اودع الكل صبار
واليوم كثر الخير والأمن والعيش
،،،،،،،،،،،،،،وقت تساوت فيه الاذرع والاشبار
يظهر شباب ناعم ما بعد هيش
،،،،،،،،،،،،،،تلقى الولديظهر مثل عشبة الغار
يمشون في الاسواق مثل الدراويش
،،،،،،،،،،،،،،والى أذن المذن يهجون عبار
الى انقال :
يابو عزيز خبط العقل تشويش
،،،،،،،،،،،،،،مما نشا مثل الدبا صار ورار
عقوا كبار يوم سموا شواكيش
،،،،،،،،،،،،،،وهي بلاتين وتلذعهم النار
انهض يابن شيحان وانتف لهم ريش
،،،،،،،،،،،،،،من قبل ما يستفحل الامر في الدار
واخص منهم من شبيه الخفافيش
،،،،،،،،،،،،،، وانزه الاخيار منهم والابرار
ومن بر والده والمداغيش
،،،،،،،،،،،،،،يستاهل الطولات والنعم والكار
تكفى يابن شيحان لاتدخل الحيش
،،،،،،،،،،،،،،واطل جربهم قبل يسري بالاخيار
%%%%%%%%%%%%%%%%%%%%%%%%%%%%%%%%%%%%%%%%%%%%%%
وهذي كل السالفة ........ وسلامتكم يالنداوية .
في الموضوع القادم قصيدة من الشباب على الشيبان ولكن معها رد شيبانا عشان ما يزعلون الشيبان ....... تقبلو تحياتي
.......................... البدراني ........................
%%%%%%%%%%%%%%%%%%%%%%%%%%%%%%%%%%%%%%%%%%%%%%%
هذه قصة قديمة جرت على رجل من اهل الدوادمي المدينة المعروفه في نجد ، يقاله /عبدالله بن رمضان ( العهدة على اللى رواهالي وتراه شايب من اهل ديرة الرجال المذكور) وقيل انها لغيره وسموا بعضهم منهم /عبدالعزيز بن عيبان وقيل لابن فهيد ... المهم
ان الرجال هذا نزل الرياض العاصمة في عهد الملك فيصل عليه وعليهم رحمة الله اجمعين وكانت الحدائق العامة في ذلك الوقت قليلة وتسمى بالعامية ( البخشة ) ونزل هذا الرجل بحديقة الفوطة المعروفة في الرياض في حي المعذر أمام قصر الحكم سابقاًوهو متعب من طول السفر ، وكان الوقت الظهر وفي فصل الصيف واتجه الى ظل شجرة كبيرة لكي يرتاح ( يتلّيّن ويتمدد ) ، وكانت هذه الشجرة المكان المعتاد عند مجموعة من الشباب يرتادونها في هذا الوقت ، وتفاجؤا بوجود هذا الرجل الكبير في السن ، فقررو مضايقته حتى يرحل عن مكانهم ( هدانا وهادهم الله وهداكم انتم بعد يالنداوية عشان متزعلون علينا ) المهم انهم ضايقوه ومن ضمن المضايقة رمي بعض الكلمات عليه وتكثيرها مثل كلمة (شاكوش) هذا غير الضحك عليه ،وفعلاً تضايق منهم ورحل وهوزعلان عليهم وقال فيهم قصيدة طويلة نورد منها مانستطيع ......................................... يقول :
لقيت في البخشة طيور بلا ريش
،،،،،،،،،،،،،،جنحانها واذنابها دقم وقصار
طيور مرابيها من السوق للحيش
،،،،،،،،،،،،،،والى أونست لفح الهوى تزن لدار
فيهم طبايع من طوال العكاريش
،،،،،،،،،،،،،،وفيهم من الطليان تدويج وخوار
قضوا على اللحية وحطوا دناديش
،،،،،،،،،،،،،،قاموا يحنون البراطم والاظفار
جيل خبيث لو يجي فيه تفتيش
،،،،،،،،،،،،،،ظهر كثير منه أناثي لها اذكار
جيل يسمون النشامى شواكيش
،،،،،،،،،،،،،،اهل اللحى بافكارهم مالهم كار
اهل اللحى صبيان نجد مداغيش
،،،،،،،،،،،،،،اللى لهم فضل على الضيف والجار
يوم السنين شداد والرزق تنويش
،،،،،،،،،،،،،،وهم يبوجون الفيافي والاقفار
دور جماميل ودور قراريش
،،،،،،،،،،،،،، ودر لهم دور على فحص الانهار
تلقى الولد مثل الفهد بالمطاريش
،،،،،،،،،،،،،،على الشدايد اودع الكل صبار
واليوم كثر الخير والأمن والعيش
،،،،،،،،،،،،،،وقت تساوت فيه الاذرع والاشبار
يظهر شباب ناعم ما بعد هيش
،،،،،،،،،،،،،،تلقى الولديظهر مثل عشبة الغار
يمشون في الاسواق مثل الدراويش
،،،،،،،،،،،،،،والى أذن المذن يهجون عبار
الى انقال :
يابو عزيز خبط العقل تشويش
،،،،،،،،،،،،،،مما نشا مثل الدبا صار ورار
عقوا كبار يوم سموا شواكيش
،،،،،،،،،،،،،،وهي بلاتين وتلذعهم النار
انهض يابن شيحان وانتف لهم ريش
،،،،،،،،،،،،،،من قبل ما يستفحل الامر في الدار
واخص منهم من شبيه الخفافيش
،،،،،،،،،،،،،، وانزه الاخيار منهم والابرار
ومن بر والده والمداغيش
،،،،،،،،،،،،،،يستاهل الطولات والنعم والكار
تكفى يابن شيحان لاتدخل الحيش
،،،،،،،،،،،،،،واطل جربهم قبل يسري بالاخيار
%%%%%%%%%%%%%%%%%%%%%%%%%%%%%%%%%%%%%%%%%%%%%%
وهذي كل السالفة ........ وسلامتكم يالنداوية .
في الموضوع القادم قصيدة من الشباب على الشيبان ولكن معها رد شيبانا عشان ما يزعلون الشيبان ....... تقبلو تحياتي
.......................... البدراني ........................
تعليق