هذه قصيدة جديدة كتبتها على نظام قصائدنا القديمة التي لم يعد الشعراء في الإمارات يكتبون على منواله اليوم
وأتمنى أن تعجبكم
وأتمنى أن تعجبكم
[poem=font="Traditional Arabic,5,darkred,bold,normal" bkcolor="transparent" bkimage="" border="none,4," type=2 line=1 align=center use=ex num="0,black"]
بكتب قصيـدي في الهوى وفنونه=والشعر عـندي مـورقات فنونه
في بو خصيرٍ داعـجات اعيـانه=لى مدخلٍ لام الشعر فـي نـونه
لى نظرته تسبي العرب بالـراحه=من شاف زوله ما تهـنّى براحـه
ودي اضمه وارتـوي من راحه=وفيّه غشاوه من سـهام عيونه
ما شفت مثله في الزمان الماضي=وقلبي جداه بكـل وقتٍ ماضي
ويا كم دونه من صقـيلٍ ماضي=والحـب داء وبالـلقا يـداوونه
مرت شهور ولا التقينا ساعه=وصدري يضيق ولا لقيت و ساعه
حسبي على الواشي ليوم الساعه=يا كثرها في الغافلين طعونه
من سلْم منّه ما سلَم من غشه=وطير السعد كم طيره من عشه
قلبه ظلام ومن صقيلك عـشه=لا تتركه يغمض عليك جفـونه
حذراك لا تسمع كلام مـواشي=فيّه وحبك في عـروقي واشي
والشر كله في الحسـود الواشي=جعله بكـاسٍ م الردا يسـقونه
شفني انا من بعـدكم ما انامي=باقي على عهـدك وهمي نامي
أرجي وصالك لو تجي ف منامي=ويا عاذلين الصـب لا تزيدونه
ارحم بحال اللـى تحبك روحه=متوسـدٍ جمـر البعـاد بروحه
وبكلمةٍ منّك تـداوي جروحه=لا بارك الله في البـعاد وكونه
حلفت لك بـالله العظيم الباقي=انّي على حبـك حبيـبي باقي
ومن النيا مـا تمّ لي مـن باقي=والحب ما يخفى ولو يخفونه
لولاك ما خطّت يمين اشعاري=ولا جعلتك في الضمير شعاري
وبهجرك من أوّل بلا اشعاري=ويا كم غيرك من غلا مزيونه [/poem]
أخوكم
جمال بن حويرب المهيري
تعليق