بسم الله ,,,
00000
000
0
00000
000
0
[poem=font="Simplified Arabic,6,black,bold,normal" bkcolor="transparent" bkimage="http://www.alnadawi.com/vb/images/toolbox/backgrounds/20.gif" border="groove,4," type=2 line=1 align=center use=ex num="0,black"]
يقولون العرب ما فيه دخّانٍ بليّا نار = وانا اقول الحقيقه كلّ قلبٍ حيّ يفْطِنها
نعيش بهالحياه اللي فلَكها بالبشر دوّار = ونِتْعِب لجلها الركبان بايسرها وبايْمنها
والا ياسامع الأخبار وش هي آخر الأخبار = عن اللي عاليات البيد لاجاها يطمِّنْها
تَرَجّل فالبحر ومن البحر جاله عزِم واصرار = كأنّ مْحَرّكاته تَشحن الموجه ويشحنها
هذا الإعصار والإعصار ياللي تجهل الإعصار = ليا حاف المنازل طَوّحِ بْها فوق ساكنها
إله حومه وله قَوْمه وله ما يشبه الفوّار = وله ما يِخْلف الوَزْنه ويتغيّر توازنها
وله ما يرفع امواج البحر في طول عشر امتار= وله صوره تبِث الرّعْب في عينٍ تعاينها
مسيّره الولي ماهو على كيفه ليا مِنْ سار = وله خط وطريق ووجهته مايِِندرى عنها
ترَصّدْ هيئة الأرصاد عَنْه وتِطلق الإنذار = وبين الرصد والإنذار أحَد يامر واحَد ينها
وَاحَد ينفي وَاحَد يِثْبِت واقول الستر ياستّار = تهاونّا الذنوب وكل بلوى جاتنا منها
وتحاصرنا الفتن من كل حَدْب وْموجها هدّار= ومِن فينا عن امواج الفِتَن نفسه محصّنها
والا يالله يارب العباد مصرّف الأقدار = الهٍ تعلم الأسرار ظاهرها وباطنها
ولِك جند السما والأرض وانت الواحد القهّار = وحنّا لك عبيد نجدّد التوبه ونعلنها
ونسألك العفو واللطف ياتوّاب ياغفار = ونطلبك الأمان ودولة الإسلام تامَنْها
مِنَ التدمير والتهجير ومْنَ العَصْف والإعصار = ومن شـرٍّ يحيط بأيسر الأمّه وبايمنها [/poem]
[/align]
تعليق