المشاركة الأصلية بواسطة سعد الجميلي
الاخ الغالي
سعد الجميلي
تسلم واشكرك على المرور يالقرم
وصح الله بدنك
لك خالص تحياتي وتقديري
-
للصبر حدود
اخواني واخواتي
أعضاء منتديات النداوي اهل القلوب النقيه
أتمنى ان تنال رضاكم هذه الخواطر المتواضعة بعد فترة غياب
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يا لله طلبتك يا الولي خير معبود = يا واحد ٍ ما خاب عبد التجابه
تفرج لمن يسهر وخلق الله ارقود = وما مرة ٍ حلو المنام اهتنابه
اجحد واجامل والمواضيع في زود = والقلب صابر ويتجدد صوابه
مرة تمر ايام ٍ سهود ومهود = ومرار يا كثر العجب والغرابه
حنا بلشنا بعالم الفكر محدود = فقر العقول الصدق ما يندعابه
مهما صبرنا للصبر دائم حدود = وتسبب ضعاف النفوس الكابه
يا اهل المعاني غاضني فعل مقرود= ومن حرك الداب ابيديه التوابه
يا طير ابن برمان يا قليًل الفود = هده يصيد وعاد مشتال دابه
حبل الشقاء للي يبا الشر ممدود= لابد ما يرضخ وتتعب ركابه
الوضع واضح يكشف البيض والسود = ويفهم كلامي كل قرم ٍ لبابه
ماني وانا فالح على الخبل محدود= ارفع نظر عيني ولا احسب حسابه
ان كان ماني باول القوم موجود= اغيب رافع راسي ولي مهابه
يكفيني اني باذل ٍ كل مجهود= ومن ينشد اهل العرف يلقى الاجابه
لنا مع اهل الطيب ميثاق وعهود = ولي عزوة ٍ تاج الفخر روس لابه
واصادق اهل الطائله واهل الجود = والسيف تكمن قوته في نصابه
بعض العرب لوغاب ماهوب مفقود= والبعض والله ينفقد في غيابه
وبعض العرب ماينعطى وجه نمرود= وبعض العباد الله ستره بثيابه
ونهاية الانسان للقبر والدود = ويواجه اللي قدمه في كتابه
يا لله في رحمتك يا خير معبود= يا عالم ٍ بالكون منشي سحابه[/poem]
اترك تعليق: