ضيف جديد وقصيده

الاخوان والاخوات الاعزاء
يشرفني الانضمام لهذا المنتدى الجميل والرائع مع اخواني واخواتي
الشعراء والشاعرات واتمنى ان اقدم لكم مايستحق القراءه

اليكم هذه القصيده لتكون اولى مشاركاتي معكم



الليل موحش دون الاحباب ياطير0000000000
0000000000الليل ماهو ليل دون الحبايـب

لاشك ماعندي للاوضاع تفـســير00000000000
0000000000الا انها دنيا العنا والعجايب

راحت سنيني بين ضحكه وتزوير0000000000
00000000000واوراق عمري في يدين الهبايب

وابطيت اراوي بين عذال ومشير000000000
0000000000وراسي غدا من هول الاحداث شايب

قصة غرامي فالبشر قصة غيــر0000000000
0000000000قصة وفا قلب من الشوق ذايب

وحاولت ابين ماحصل باسم تعبير00000000
0000000000من قبل لاتركز علي النصايب

عشق نشا مثل النفل والنواوير000000000
0000000000ماله سبايب وان بغيت السبايب

الا انها نظره وبسمه وتأثير00000000000
0000000000حمر الشفايف والوجن والذوايب

وسهم رماني كسر القلب تكسير0000000000
0000000000سهم على ماقيل للقلب صايب

عقبه تكدر خاطري كل تكدير00000000000
0000000000والحب اعده من كبار المصايب

وبديت في رحلة عذاب وتعزير0000000000
00000000000رحلة غرامي مبتداها نشايب

خلي عطيته كل هيبه وتقدير00000000000
0000000000وعن حب غيره اصبح القلب طايب

اربع سنين عشتها في مشاوير0000000000
0000000000فيها الفرح عن نظرة العين غايب

صابر واقول ان القدر فيه تغيير000000000
00000000000واقول بكره ياترى ويش جايب

واليوم جسمي صاير فيه تخدير0000000000
00000000000والدم في وسط الشرايين رايب

وان ماحصلي صاحبي دون تأخير00000000000
000000000فانا من الدنيا والافراح تايب

وياطير تكفى باسألك رد ياطير0000000000
000000000تقدر تعيش الليل دون الحبايب



وسلامتكم
اخوكم المميز

.. يامرحبابك يازايد الرويس بين اخوانك وخواتك فالمنتدي هلا فيك وفى ما تحمل

.. وصح الله لسانك على القصيدة وفى انتظار الجديد




.. تقبل التقدير

مرحبا يازايد

مرحبا 1000 ياخوي بين اخوانك الشعراء واخواتك الشاعرات

والقصيدة طيبة مثل راعيها

مرحبا مرحبا

بدايه ماشاء الله قوية بلحيل


تسلم

الأخ العزيز/ زايد الرويس



هلا بك يازايد ومراحب،، قصيدة جميلة من شاعر جميل


مرحبا بك ثانية ولا تبطي بغيرها ،،دمت سالم لأخيك

الاخ العزيز سهيل تسلم لي اخوي الغالي والله لايهينك
ووجودي بينكم شرف لي اعتز فيه

الاخ الغالي سهم المنايا
توقيعك وتواجدك يسعدني
تسلم يالغالي
والله لايهينك

اخوك المميز

اخوي جابر ابشر بسعدك
والله لايهينك على هالتواصل اللي ماهوب غريب عليك
اتمنى ان اللي اطرحه يكون بنسبة واحد فالميه من اللي تقدمونه

لاهنت

اخوك المميز

بسم الله الرحمن الرحيم

الله حييه الله حييه ..

اهلين وسهلين ..

ابقاك الله ياهيفاء
والمهلي مايولي
ومشكوره على هالشعور الطيب



اخوك المميز

واليوم جسمي صاير فيه تخدير0000000000
00000000000والدم في وسط الشرايين رايب

وان ماحصلي صاحبي دون تأخير00000000000
000000000فانا من الدنيا والافراح تايب

وياطير تكفى باسألك رد ياطير0000000000
000000000تقدر تعيش الليل دون الحبايب


زيد صح لسانك يازيد


قصيده جزله


متميزه في معانيها




مرحبابك بين اخوانك


تحياتي



[تم تعديل الموضوع من قبل السيف بتاريخ 06-22-2001 الساعة 10:42 PM]

الاخ العزيز زايد الرويس

يامرحبـــــــــا تراحيب المطر .......

واليوم جسمي صاير فيه تخدير
***************والدم في وسط الشرايين رايب



صح لســــــــانك بدايه قويه ولا هيب مستغربه منك


تحياتي لك

اخوك

شقران

----------------------------------------------


النــاس ماخـلــو يـتيــم بالالــــحـــــاد
******************************** حتى يتيم القبر يمسك كراعه
ولولا الجواري والحوادث لها سنـــاد
******************************** كلن تلمس راس غيره وباعه

-------- جــــزاء صـــــالح الحـربي

الاخ العزيز شقران
اولا ابقاك الله
ثانيا الشكر كل الشكر لك على ماقمت به في مساعدتي
وثالثا تسلم على حضورك وقراءتك للقصيده

ولاخلى ولااعدم منك


اخوك المميز

[كحيلان]

الاخ
الشاعر
زايد الرويس

الله مير يحييك بين اخوانك وربعك لك مالنا وعليك ماعلينا

ولنا طال عمرك الشرف بانتساب شرواك لمنتدانا وكلي ثقه انك ستثري جنباته بابداعاتك

اتمنى ان اتشرف بأخوتك وصداقتك

تحيات اخوك
فالح بن صقر

اخي زايد 0


ارحب بين اخوانك النداويه اللي اسبقوني بالترحيب بك وذا طيب منهم وانت تستاهل0




لاهنت على المشاركه 0



-اربع سنين عشتها في مشاوير0000000000
0000000000فيها الفرح عن نظرة العين غايب




جميل يازايد والقادم اجمل انشاء الله



ا س ل م و س ل م

اخوي فالح
انا الذي لي الشرف
بخوة امثالك وصداقتهم
وكلامك يدفعني الى الامام
لاهنت



اخوك الصغير المميز